Sofoniya 2:7 - Xitsonga (Bibele)

⁷ Ri ta va tiko ra nsalo wa yindlu ya Yuda; va ta dyisela mitlhambi ya vona kona; nimadyambu, va etlela etindlwini ta Axikeloni; hikuva Yehovha, Xikwembu xa vona, u ta va endzela, a tlherisela vabohiwa va vona.

BIBELE Mahungu Lamanene

⁷ Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Sofoniya 2:7 Iomraidhean Croise

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”

Pisalema 80:14

Oho vuya, Xikwembu xa tinyimpi! Languta, u ri etilweni, kutani u vona! U xiya vhinya leyi, u yi hlayisa!

Pisalema 85:1

Oho Yehovha, u katekisile tiko ra wena! U vuyisile vakhomiwa va Yakobo,

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 11:14

Va ta hahela ekhatleni ra Vafilista evupeladyambu, va ta hlasela kun'we vana va le vuxeni; va ta khoma Edomu na Mowabu, ni vana va Amoni, va ta va luva.

Esaya 11:16

Kutani mpfutla wu ta va kona eka masalela ya tiko ra yena, lama nga ta va ma tshamile etikweni ra Asiriya, tanihi leswi ingi wu ri kona eka Israele siku a sukeke etikweni ra Egipta.

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Esaya 32:14

Hikuva tindlu ta vuhosi ti ta sukeriwa, muti wa pongo wu ta hundzuka rhumbi; xitsunga ni khokholo ra mulanguteri ma ta va mabako hi masiku ni masiku, yi va ndhawu ya timangwa ta nhova, ni madyelo ya mitlhambi,

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Yeremiya 29:10

“Hikuva ku vula Yehovha, a ku: Malembe ya 70, kutakuloko ma herile ka Babilona, ndzi ta mi tsundzuka, ndzi mi endlela hi marito ya mina yo lulama, ndzi mi tlherisela exivandleni lexi.

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 3:18

“ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Yeremiya 31:7

Hikuva Yehovha u vula a ku: “Huwelelani hi ku tsaka eka Yakobo, mi dzunisa loyi a nga lowo rhanga exikarhi ka matiko; twarisani tinsimu, mi ku: ‘Oho Yehovha, ponisa tiko ra wena, e masalela ya Israele?’

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”

Yeremiya 33:12

“Ku vula Yehovha: Exivandleni lexi xa mananga lexi nga riki na munhu, hambi yi ri homu, ni le mitini ya kona hinkwayo ku ta va ni madyelo ya varisi lava vundzisaka mitlhambi ya vona.

Yeremiya 33:7

ndzi vuyisa va Yuda lava khomiweke, ni va Israele lava khomiweke, ndzi tlhela ndzi va akisa kukotisa emikarhini ya khale.

Yeremiya 47:5

“Mpandhla wu ta va kona eka Gaza Axikeloni u ta onhiwa swin'we ni leswi seleke swa rivala ra vona. U ta titlhavetela kangani-ke?

Ezekiele 39:25

“Hikwalaho, Hosi Yehovha u vulavula sweswo, a ku: Sweswi ndzi ta tlherisa vabohiwa va Yakobo, ndzi ta tsetselela yindlu hinkwayo ya Israele, ndzi ta kombisa rilondzo ra mina hikwalaho ka vito ra mina ro kwetsima.

Hosiya 6:11

Na wena Yuda, u hlayiseriwe ku tshovela, siku ndzi kutsulaka tiko ra mina evukhumbini bya rona.

Obadiya 1:19

Va tlhelo ra dzonga va ta fuma ntshava ya Esawu, va le rivaleni va fuma tiko ra Vafilista; va ta fuma ni tiko ra Efrayimi ni tiko ra Samariya Benjamini, yena, a fuma Giliyadi.

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Sofoniya 2:9

Hikwalaho, Yehovha wa mavandla, Xikwembu xa Israele, u ri: “Ndza hanya, ndzi ri, Mowabu u ta kotisa Sodoma, vana va Amoni va kotisa Gomora, yi nga ndzhaka ya mitwa, ni migodi ya munyu, ni mananga hilaha ku nga heriki; nsalo wa tiko ra mina wu ta va phanga, ni lava seleke va tiko ra mina va ta va fuma hi mukhuva wa ndzhaka.”

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Sofoniya 3:20

Enkarhini wolowo, ndzi ta mi tisa, ndzi mi hlengeleta hi nkarhi wolowo; hikuva ndzi ta mi endla lava twaleke ni lava dzunisiwaka exikarhi ka vanhu hinkwavo va misava, siku ndzi vuyisaka vakhomiwa va n'wina emahlweni ka n'wina,” ku vula Yehovha.

Hagayi 1:12

Hilaha Zerubabele, n'wana Salatiele, na Yoxuwa, muprista lonkulu n'wana Yosadaki, ni nsalo hinkwawo wa vanhu va yingisa rito ra Yehovha, Xikwembu xa vona, hi marito ya muprofeta Hagayi, hilaha ingi a rhumiwile hakona hi Yehovha, Xikwembu xa vona; kutani tiko ri chava Yehovha.

Hagayi 2:2

“Vulavula sweswi, eka Zerubabele, mufumi wa Yuda, n'wana Salatiele, na Yoxuwa, muprista lonkulu, n'wana Yosadaki ni nsalo wa tiko, u ku:

Luka 1:68

“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Luka 7:16

Kutani va khomiwa hinkwavo hi ku chava, va dzunisa Xikwembu, va ku: “Muprofeta lonkulu u humelele exikarhi ka hina, Xikwembu xi endzele tiko ra xona.”

Timhaka 8:26

Kutani ntsumi ya Hosi yi byela Filipi, yi ku: “Suka, u ya tlhelo ra dzonga endleleni leyi xikaka hi le Yerusalema, yi rhelela eGaza,” laha ku nga mananga;

Timhaka 8:40

Kambe Filipi a tshuka a va le Azoto; kutani a famba a ri karhi a vula Evhangeli emitini hinkwayo a kondza a fika eKhezariya.

Varhoma 11:5

Swi tano ni le mikarhini yoleyi; ku sele ntlawanyana lowu nga kona hi ku hlawuriwa ka tintswalo.

Rhuti 1:6

Kutani a pfuka ni vingi va yena, a a sukela etikweni ra Mowabu, hikuva a a twile etikweni ra Mowabu leswaku Yehovha u endzele tiko ra yena, a ri nyike swakudya.