Sofoniya 2:5 - Xitsonga (Bibele)

⁵ Va ni khombo lava akeke etikweni leri nga etlhelweni ra lwandle, tiko ra Vakereti! Rito ra Yehovha ri kona ehenhla ka wena, Kanana, tiko ra Vafilista; ndzi ta ku lovisa, u va u pfumala ni la nga ta aka eka wena!

BIBELE Mahungu Lamanene

⁵ Mi ni khombo n'wina mi akeke eribuweni ra lwandle, n'wina va rixaka ra Vakereti! Rito ra HOSI Xikwembu ri kanetana na n'wina, n'wina va tiko ra Vafilista; Xikwembu xi ta mi herisa, ku nga sali na un'we wa mhamba.

Sofoniya 2:5 Iomraidhean Croise

Esaya 14:29

“Wena tiko ra Vafilista, u nga tshuki u tsaka ku tlurisisa hi leswi nhonga leyi ngi yi ku ba yi tshovekeke; hikuva erimitswini ra nyoka ku ta huma mhiri, kutani mbhandzu wa yona yi ta va dragona leyi hahaka.

Esaya 14:30

Vapfumari lava pfumalaka ngopfu va ta xurha, ni swisiwana swi ta wisa swi rhula; kambe ndzi ta lovisa rixaka ra wena hi ndlala, kutani masalela ya wena ma ta herisiwa.

Yeremiya 47:7

U ta wisisa ku yini? Yehovha u ri lerisile hikwalaho ka Axikeloni, ni ka ribuwu ra lwandle, laha a ri kongomiseke kona?”

Ezekiele 25:16

hikwalaho, Hosi Yehovha u ri: Vonani, ndzi ta tshalambutela Vafilista voko ra mina, ndzi tsema Vakereti, ndzi lovisa lava seleke eribuwini ra lwandle.

Amosi 3:1

Yingisani rito leri, leri Yehovha a ri vulaka eka n'wina, vana va Israele, ni le ka ndyangu hinkwawo lowu ndzi wu humeseke etikweni ra Egipta,

Amosi 5:1

Yingisani rito leri ndzi mi yimbelelaka ha rona mahlomulo, n'wina va yindlu ya Israele:

Sofoniya 1:11

Rilani, n'wina vaaki va Makitexi, hikuva tiko hinkwaro ra vaxavi ri herile, hinkwavo lava tirhwexeke hi mali va lovisiwile.

Sofoniya 3:6

“Ndzi lovisile matiko, marhangu ya wona ma mbundzukile; ndzi onhile tindlela ta wona a ka ha ri na la fambaka kona, miti ya wona yi onhakile, a ka ha ri na munhu kona, a ka ha ri na la nga akaka kona.

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”

Marka 12:12

Hi laha va rhandzaka ku n'wi khoma, kambe va chava vunyingi, hikuva va tivile leswaku u ringanisile vona loko a vula xifaniso lexi; kutani va n'wi tshika, va tifambela.

Yoxuwa 13:2

Tiko leri seleke hi leri: Matikwanyana hinkwawo ya Vafilista, ni ya Vagexuri hinkwavo,

Yoxuwa 13:3

ku suka eXihoro, lowu khulukelaka Egipta, ku fika endzilakaneni wa Ekroni, en'walungwini, tiko leri vuriwaka ra Vakanana: hileswaku tihosi ta ntlhanu ta Vafilista, ya Gaza, ya Axidodo, ya Axikeloni, ya Gati, ya Ekroni, ni Vaavhimi;

Vaavanyisi 3:3

I tihosi ta ntlhanu ta Vafilista, ni Vakanana hinkwavo, ni Vasidoni ni Vahivhi, lava akeke entshaveni ya Lebanoni, ku sukela entshaveni ya Baala-Hermoni ku yisa eHamata.

1 SAMIELE 30:14

A hi yile hi ya hlasela edzongeni ra Vakereti ni le tikweni ra Yuda edzongeni ra ka Kalebe, kutani hi hisile Sikilaga.”