Sofoniya 2:15 - Xitsonga (Bibele)

¹⁵ Hi wona muti lowu tsakisiseke ingi wu tshamisile hi ku rhula, lowu ingi wu ku embilwini ya wona: “Hi mina ntsena, a ku na wumbe!” Wu hundzukise ku yini rhumbi laha ku etlelaka swiharhi kona xana? Un'wana ni un'wana la hundzaka emahlweni ka wona u ta yimba noti, a va a tsekatsekisa voko.

BIBELE Mahungu Lamanene

¹⁵ Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.

Sofoniya 2:15 Iomraidhean Croise

Ntirho 16:4

Na mina a ndzi ta vulavula kukotisa n'wina, Loko ngi mi ri exitshan'weni xa mina, A ndzi ta luka timhaka ehenhla ka n'wina, Ndzi nonon'hwisa nhloko eka n'wina,

Ntirho 27:23

Vanhu va ba mandla ha yena, Va n'wi yimbelela miloti loko a suka evutshan'weni bya yena.

Esaya 22:2

wena muti wa huwa, wa dzolonga, muti lowu titsakelaka? Kasi lava feke va wena a va tlhaviwanga hi fumu, a va fanga enyimpini!

Esaya 32:11

Pfukani, n'wina vatsaki! Rhurhumelani vatidzunisi! Susani tinguvu ta n'wina, mi tiboha swisuti hi xuka lero khwaxa.

Esaya 32:14

Hikuva tindlu ta vuhosi ti ta sukeriwa, muti wa pongo wu ta hundzuka rhumbi; xitsunga ni khokholo ra mulanguteri ma ta va mabako hi masiku ni masiku, yi va ndhawu ya timangwa ta nhova, ni madyelo ya mitlhambi,

Esaya 32:9

Pfukani, n'wina vavasati vo nona, yingisani rito ra mina; n'wina va nhwana lava lolohaka, yingiselani marito ya mina!

Esaya 47:10

A wu tshemba mona wa wena, u ku: “A ndzi voniwi hi munhu!” Vutlhari ni vutivi bya wena a byi ku xisa, u te embilwini ya wena: “Mina, mina ntsena!”

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Yeremiya 19:8

Kutani ndzi ta endla muti lowu xihlamariso ni xisandzu, leswaku un'wana ni un'wana la nga ta hundza kona a hlamala a ba noti hikwalaho ka makhombo hinkwawo ya kona.

Yeremiya 50:13

Hikwalaho ka ku kariha loku hisaka ka Yehovha, a ku nga ha akiwi, kutani ma ta va mananga hinkwako; un'wana ni un'wana la nga ta hundza eBabilona u ta hlamala, a ba miloti hi makhombo hinkwawo ya yena.

Swirilo 1:1

Wu tshamile wu ri woxe ha yini, muti lowu ingi wu ri ni vanhu vo tala xana? Muti lowu ngi wu ri nkulukumba exikarhi ka matiko, Wu hundzukile ha yini wu fana ni noni? Lowu ngi wu ri ntsindza exikarhi ka matiko, Wu hundzukile lowu fuyiweke ha yini-ke?

Swirilo 2:1

Hosi yi funengetile ha yini hi ku kariha nhwanyana wa Siyoni? Ku kwetsima ka Israele, u ku susumetile a ri ehenhla, a ku hoxa emisaveni, Kutani hi siku ra vukari bya yena A nga tsundzukanga vunavelo bya milenge ya yena.

Swirilo 2:15

Hinkwavo lava hundzaka hi ndlela va phokota hi mavoko, va tsan'wa, Va nikina tinhloko hikwalaho ka nhwanyana wa Yerusalema, Va ri: “Xana hi wona muti lowu ingi va wu vula ku saseka loku hetisekeke, Ni ku tsaka ka misava hinkwayo xana?”

Ezekiele 27:36

Loko va ri vabindzuri va matiko man'wana, va be miloti ha wena; u hundzuriwe swahava, kutani a ku nga ha vi kona ni siku ni rin'we.’ ”

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

Ezekiele 28:9

Xana u ta ku, ndzi xikwembu, emahlweni ka la nga ta ku tlhava xana? Kambe u munhu ku nga ri xikwembu, evokweni ra la ku tlhavaka.

Ezekiele 29:3

Vulavula, u ku: Hosi Yehovha u ri: Vona, Faro, ndzi le ka wena, hosi ya Egipta, ngwenya leyikulu leyi etlelaka emilambyeni ya yona, leyi vuleke leswaku: ‘Nambu wa mina i wa mina, hi mina ndzi tiendleleke wona!’

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Nahume 3:19

Mbanga ya wena a yi na ku kandziwa, matshimbi ya wena a ma na ku hola! Hinkwavo lava twaka ta wena, va ta ku phakatela hi mandla; hikuva vumbabva bya wena byi kayele mani eku humeleleni ka byona xana?

Habakuku 1:7

Ra chavisa, ra tshukisa; hi rona ri tilerisaka, ri tikhorisaka ri ri roxe.

Matewu 27:39

Lava hundzaka va n'wi tseketsela, va n'wi nikinika tinhloko, va ku: