Sofoniya 2:11 - Xitsonga (Bibele)

¹¹ Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

BIBELE Mahungu Lamanene

¹¹ HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Sofoniya 2:11 Iomraidhean Croise

Genesa 10:5

Ku hambanyisiwe xikarhi ka volavo swihlale swa matiko hi matiko ya vona, un'wana ni un'wana hi ririmi ra yena, ni tinyimba ta vona, ematikweni ya vona.

Pisalema 138:4

Oho Yehovha! Tihosi hinkwato ta misava ti ta ku dzunisa, Loko ti twa marito ya nomu wa wena;

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Esaya 2:18

Swifaniso hinkwaswo swa swikwembu swi ta pfumaleka.

Esaya 2:20

Esikwini rero, vanhu va ta cukumeta swikwembu swa nsuku ni swa silivhere leswi va tiendleleke swona ku swi gandzela eka makondlo ni vamangadyani,

Esaya 42:10

Yimbelelani Yehovha risimu lerintshwa, yimbani swidzuniso swa yena emakun'wini ya misava, n'wina mi fambaka elwandle, na n'wina mi hanyaka eka rona, n'wina swihlale ni vaaki va swona.

Esaya 42:4

A nga ka a nga heri mbilu ni ku karhala, a ko a tiyisa leswo lulama emisaveni, kutani swihlale swi va swi titshembisa enawini wa yena.”

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

Yeremiya 46:25

Ku vula Yehovha wa tinyimpi Xikwembu xa Israele: “Vonani, ndzi ta ba Amoni wa No, na Faro, na Egipta, ni swikwembu swa vona, ni tihosi ta vona, na Faro ni lava n'wi tshembeke.

Daniele 11:18

Kutani u ta langutisa mahlo ya yena hitlhelo ra swihlale, kutani a teka swin'wana swa swona, kambe hosi yin'wana yi ta tsongahata ku sandza ka yena, yi tlherisela ku sandza eka yena.

Hosiya 2:17

Kutani ndzi ta susa mavito ya va Baali enon'wini wa wena, leswaku mavito ya vona ma nga ha vuriwi.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Sofoniya 1:4

“Kutani ndzi ta tshambuluta voko ra mina ehenhla ka Yuda ni le henhla ka vaaki hinkwavo va Yerusalema, ndzi susa exivandleni lexo nsalo hinkwawo wa Baali, ni vito ra vadyondzisi va swifaniso kun'we ni vaprista;

Sofoniya 3:9

“Hikuva, esikwini lero, ndzi ta hundzula milomu ya matiko, yi va leyi tengeke, ma ta vitana hinkwawo vito ra Yehovha, ma n'wi tirhela hi mbilu yi ri yin'we.

Zakariya 13:2

Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Zakariya 8:20

“Yehovha wa tinyimpi u ri: Ka ha ta ta matiko ni vaaki va miti le yo tala;

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Duteronoma 32:38

Swikwembu leswi dyeke mafurha ya magandzelo ya vona, Leswi nweke vhinyo ya ku xuva ka vona. A swi pfuki, a swi mi lamuleri. A swi mi funengeti hi mavoko ya swona!’

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”