Sofoniya 1:13 - Xitsonga (Bibele)

¹³ Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

BIBELE Mahungu Lamanene

¹³ Kambe rifuwo ra vona ri ta phanghiwa, tindlu ta vona ti ta biwa ti wa; hambi va nga aka tindlu, va nge tshami ka tona, hambi va nga rima masimu ya vhinya, vhinyo ya kona va nge yi nwi.”

Sofoniya 1:13 Iomraidhean Croise

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Yeremiya 15:13

Swilo swa wena ni rifuwo ra wena, ndzi ta swi nyiketa leswaku swi tekiwa, swi nga vi na nxavo, kambe ku va hikwalaho ka ku biha ka wena hinkwako emindzilekaneni ya wena hinkwayo.

Yeremiya 17:3

“Ntshava ya mina, ni masimu ya yona, ni rifuwo ra wena, ni vukosi bya wena hinkwabyo, ndzi ta swi nyiketa leswaku swi phangiwa, na swona swivandla leswi tlakukeke swa wena hikwalaho ka swidyoho swa wena leswi nga emindzilekaneni ya wena hinkwayo.

Yeremiya 4:20

Ku onhaka ku vita ku onhaka kun'wana, hikuva ku ta onhiwa tiko hinkwaro; matende ya mina ma onhiwa kan'we, na yona mitsonga ya mina.

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 5:17

Ri ta dya mavele ya wena ni vuswa bya wena; ri ta dya vana va wena va xinuna ni va xisati; ri dya tinyimpfu ta wena ni tihomu ta wena; ri dya vhinya ya wena ni mikuwa ya wena, ri ta heta hi fumu miti ya wena ya makhokholo leyi u yi tshembeke.

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Yeremiya 9:19

Hikuva rito ra ku rila ri twakala eSiyoni, ri ku: ‘Yowee! Hakunene hi onhiwile, hi ku khomiwa hi tingana, hikuva hi sukela tiko, hikuva va mbundzumuxile tindlu ta hina.’ ”

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Ezekiele 22:31

Hikwalaho ndzi ta chela vukari bya mina ehenhla ka vona; ndzi va lovisa hi ndzilo wa vukari bya mina, ndzi veka nandzu wa tindlela ta vona etinhlokweni ta vona, ku vula Hosi Yehovha.”

Ezekiele 7:19

Va ta cukumeta silivhere ya vona emitsendzeleni, ni nsuku wa vona wu ta va thyaka eka vona, kasi silivhere ni nsuku a swi nga koti ku va ponisa esikwini ra vukari bya Yehovha; swi nga ka swi nga ha xurhisi mimoya ya vona, hambi ma ri makhwiri ya vona; hikuva hi swona leswi nga va dyohisa.

Ezekiele 7:21

Vaendzi va ta swi phanga, vadyohi va misava va ta swi kandziya, va swi swihata.

Ezekiele 7:24

Ndzi ta vitana matiko lama tlulaka matiko hinkwawo hi ku biha, leswaku ma fuwa tindlu ta vona; ndzi ta susa vubombi bya lava tikurisaka, kutani swivandla leswo kwetsima swa vona swi ta nyamisiwa.

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Mikiya 6:15

U ta byala, kambe u nga ka u nga tshoveri; u ta khuvuta mihandzu ya mitlhwari, kambe a ku nga toli mafurha ya yona; u ta kama mihandzu ya tivhinya, kambe a ku nga nwi vhinyo.

Sofoniya 1:9

kambe, esikwini lero, ndzi ta tshinya hinkwavo lava tlulaka mhandze ya le nyangweni, lava tataka yindlu ya hosi ya vona hi leswi phangiweke hi vuhuruhuru ni ku xisa.”

Duteronoma 28:30

“U ta vuta wansati, kambe un'wana u ta etlela na yena; u ta aka yindlu, kambe u nga ka u nga tshami eka yona; u ta byala vhinya, kambe u nga ka u nga dyi swa yona.

Duteronoma 28:39

U ta byala ni ku hlakula tivhinya, kambe u nga ka u nga nwi vhinyo ya tona, ni ku tshovela mihandzu ya tona, hikuva swivungu swi ta yi heta.

Duteronoma 28:51

va ta dya marhole ya swifuwo swa wena, ni mihandzu ya misava ya wena, u ko u herisiwa; va nga ka va nga ku siyeli nchumu, hambi yi ri koro, ni vhinyo, ni mafurha, ni marhole ya tihomu ta wena, ni swinyimpfana swa tinyimpfu ta wena, va kondza va ku herisa.