Sofoniya 1:11 - Xitsonga (Bibele)

¹¹ Rilani, n'wina vaaki va Makitexi, hikuva tiko hinkwaro ra vaxavi ri herile, hinkwavo lava tirhwexeke hi mali va lovisiwile.

BIBELE Mahungu Lamanene

¹¹ N'wina vaaki va le nkoveni, rilani, hikuva ntlawa wa van'wamabindzu a wa ha ri kona, ni hinkwavo lava xavisaka silivhere, va herisiwile.

Sofoniya 1:11 Iomraidhean Croise

Ntirho 27:16

Hambi a nga hlengeleta mali, yi fana ni ntshuri. Ni tinguvu to saseka, ti fana ni ndzhope,

Ntirho 27:17

Hi yena la hlengeletaka, kambe hi lowo lulama la nga ta tifunengeta ha swona, Mali ya yena, lava nga riki na nandzu va ta avelana yona.

Yeremiya 25:34

Kololani, n'wina varisi, mi huwelela, puluvundzani enkumeni, n'wina vini va ntlhambi, hikuva ku fikile masiku ya n'wina ya ku dlayiwa, kutani ndzi ta mi hangalasa, mi wa kukotisa swibya swa nxavo wa nkoka.

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

Ezekiele 21:12

Kutakuloko va ku eka wena: U hefemutekela yini? U ta ku: Ndzi hefemutekela timhaka leti taka; hikuva timbilu hinkwato ti ta n'oka, mavoko hinkwawo ma ta hela matimba, mimoya hinkwayo yi ta chava, ni matsolo hinkwawo ma ta hundzuka mati; vonani, timhaka ta ta, ti tile, ku vula Hosi Yehovha.”

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:5

Hanyanyani, swidakwa, mi kolola! Na n'wina hinkwenu, vanwi va vhinyo, rilelani dzova ra vhinyo leri vutliwaka enon'wini wa n'wina!

Sofoniya 2:5

Va ni khombo lava akeke etikweni leri nga etlhelweni ra lwandle, tiko ra Vakereti! Rito ra Yehovha ri kona ehenhla ka wena, Kanana, tiko ra Vafilista; ndzi ta ku lovisa, u va u pfumala ni la nga ta aka eka wena!

Zakariya 14:21

Ni timbita hinkwato ta Yerusalema, ni ta Yuda ti ta va leti hlawuleriweke Yehovha wa tinyimpi; hinkwavo lava endlaka magandzelo, va ta ta, va teka tona, va sweka ha tona; a ku nga ha vi na Mukanana endlwini ya Yehovha wa ti nyimpi, hi siku rolero.

Yohane 2:16

A ku eka lava xavisaka matuva: “Susani swilo leswi kwala; mi nga tshuki mi endla yindlu ya Tatana yi va yindlu ya mixavo.”

Yakobo 5:1

Sweswi, ndzi ta eka n'wina vafuwi! Rilani, mi kolola hikwalaho ka makhombo ya n'wina, lama nga ta mi humelela.