Risimu ra Tinsimu 5:15 - Xitsonga (Bibele)

¹⁵ Milenge ya yena yi fana ni timhandze ta mabulu leyo basa; Ti vekiwe eswikhatweni swa nsuku lowu tengeke. Xivumbeko xa yena xi fana na Lebanoni, Xi hlawulekile ku fana ni xa tikedari. Rito ra yena ra nandziha ngopfu, Kutani vumunhu bya yena hinkwabyo hi lebyi tsakisaka.

BIBELE Mahungu Lamanene

¹⁵ Milenge ya yena i tiphuphu ta maribye yo rhetela, leti tlhomiweke eminkotlotweni ya nsuku. Xivumbeko xa yena xi fana ni ntshava ya Lebanoni, xi hlawulekile ku fana ni mirhi ya Kedari.

Risimu ra Tinsimu 5:15 Iomraidhean Croise

1 TIHOSI 4:33

A vula timhaka ta mirhi, ku suka eka wa kedari lowu nga ehenhla ka Lebanoni ku fika eka wa hisopa lowu humaka ekhumbini; a vula ni timhaka ta swifuwo, ni ta tinyanyana, ni ta swikokovi, ni ta tinhlampfi.

Pisalema 80:10

Tintshava ti khubumetiwa hi ndzhuti wa yona, Kutani marhavi ya yona ma ve tani hi tikedari ta Xikwembu.

Pisalema 92:12

Lava lulameke va mila kukota murhi wa ncindzu, Va kula kukota murhi wa kedari ya Lebanoni.

Pisalema 92:13

Loko va simekiwa endlwini ya Yehovha, Va hluka erikupakupeni ra Xikwembu xa hina,

Eksoda 26:19

Kutani u ta endla switshamo swa silivhere swa mune wa makume, swi ta vekiwa ehansi ka mapulangi ya makume mambirhi; pulangi rin'wana ni rin'wana ri va ni switshamo swimbirhi ehansi ka swihlanganiso swimbirhi swa rona.

Risimu ra Tinsimu 2:14

Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

Risimu ra Tinsimu 4:11

Milomu ya wena, muvutiwa wa mina, yi ntshona vulombe; Vulombe ni ntswamba swi le hansi ka ririmi ra wena; Ku nun'hwela ka swifunengelo swa wena ku fana ni ku nun'hwela ka Lebanoni.

Risimu ra Tinsimu 7:4

Mavele ya wena ma fana ni timhala letitsongo, Ma kotisa mahahla ya ntswele ya mbavala.

Swirilo 4:7

Vafumi va kona a va tengile ku fana ni gamboko, Va basile kukota ntswamba; Mimiri ya vona a yi tshwukile ku hundzisa korale, Tinghohe ta vona a ti fana ni ribye ra safiri.

Ezekiele 17:23

Ndzi ta xi byala entshaveni leyo leha ya Israele, xi ta hlukisa marhavi ni ku veka mihandzu, wu ta hundzuka murhi wa Kedari lowukulu; tinyanyana letitsongo ni letikulu ti ta aka endzhutini wa marhavi ya wona.

Ezekiele 31:8

Tikedari ta nsimu ya Xikwembu a ti nga wu hundzi; tikipresi, na tona, a ti nga ri na ku ringanisiwa ni marhavi ya wona, ni mikuwa a yi nga fani ni marhavi ya wona; a ku nga ri na murhi ensin'wini ya Xikwembu lowu ingi wu fana na wona eku sasekeni ka wona.

Hosiya 14:7

Lava nga ta aka endzhutini wa yena va ta pfuxa koro, va baleka swiluva ku fana ni vhinya; ku twala ka yena ku ta kotisa ku twala ka vhinyo ya Lebanoni.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Matewu 17:2

Kutani a hundzuka emahlweni ka vona; mombo wa yena wu kwetsima kukotisa dyambu; na tona tinguvu ta yena ti hundzuka leto basa, ti vangama.

Matewu 28:3

Mombo wa yona a wu kotisa rihati, ni tinguvu ta yona a ti ri leto basa kukotisa gamboko.

Timhaka 2:28

U ndzi tivisile tindlela ta vutomi; u ta ndzi xurhisa hi ku tsaka loku humaka emahlweni ka wena.’

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Vaavanyisi 13:6

Kutani wansati a ya byela nuna wa yena, a ku: “Ku tile eka mina wanuna wa Xikwembu, xivumbeko xa yena a xi fana ni xivumbeko xa ntsumi ya Xikwembu hi ku chavisa, a ndzi n'wi vutisanga laha a humaka kona, kambe a nga ndzi byelangi vito ra yena.