Risimu ra Tinsimu 5:1 - Xitsonga (Bibele)

¹ Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

BIBELE Mahungu Lamanene

¹ Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Risimu ra Tinsimu 5:1 Iomraidhean Croise

Genesa 37:25

Kutani va tshamisa, va dya swakudya. Kuteloko va tlakusa mahlo ya vona, va languta, va vona pfhumba ra Vaiximaele leri humaka eGiliyadi ni tikamela ta vona, va velekise mirhi, ni balsama, ni ladano, va swi yisa eEgipta.

Pisalema 147:11

Yehovha u tsakela lava n'wi chavaka, Lava tshembaka tintswalo ta yena.

Pisalema 16:3

Vahlawuriwa lava nga emisaveni, Vanhu va vukhongeri, hi valavo ndzi va rhandzaka ngopfu.

Swivuriso 24:13

N'wananga, dyana vulombe, hikuva bya nandziha, Ni xihlenga xa byona, xi ta nandziha emalakeni ya wena.

Swivuriso 9:5

“Tanani, mi dya swakudya swa mina, Mi nwa vhinyo leyi pfanganyisiweke.

Eklesiasta 2:5

ndzi tiendlela masimu ni mitanga ya mirhi, ndzi byala kona mirhi leyi vekaka mihandzu ya tinxakaxaka.

Risimu ra Tinsimu 1:13

Murhandziwa wa mina u le ka mina ku fana ni nyandza ya mirhi, Leyi tshamaka exifuveni xa mina.

Risimu ra Tinsimu 4:16

Pfuka, moya wa le n'walungwini! U ta, wena dzonga! Mi hungela ensin'wini ya mina, Leswaku ku nun'hwela loku nandzihaka ka yona ku twakala. Murhandziwa wa mina a a nghene ensin'wini ya yena, A dya mihandzu ya yona leyo nandziha.

Risimu ra Tinsimu 4:8

Tana hi muka eLebanoni, muvutiwa wa mina, U yima, u languta u ri enhlohlorhini ya Amana, Enhlohlorhini ya Seniri na Hermoni, Evuchavelweni bya tinghala, etintshaveni ta tiyingwe.

Risimu ra Tinsimu 6:11

Ndzi ngirimele entangeni wa mikanyi, Ku ya vona rihlaza ra nkova, Ku ya languta vhinya loko kumbe yi hlukile, Ni mirhi ya magirenada, loko kumbe yi balekile swiluva?

Risimu ra Tinsimu 6:2

Murhandziwa wa mina u fambile ensin'wini ya yena, Etindzimeni ta mirhi ya risuna, Leswaku a dyisa ntlhambi wa yena emasikwini, a kha makhon'wa.

Risimu ra Tinsimu 8:1

Oho! Loko ngi u ri makwerhu, La an'weke emaveleni ya manana! Loko ngi ndzi hlangana na wena ehandle, a ndzi ta ku ntswontswa, Kutani ngi ndzi nga ri na ku soriwa.

Risimu ra Tinsimu 8:13

Wena la tshamaka emasin'wini! Vanakulorhi va rhandza ku twa rito ra wena. Wa nga ndzi twisa rona!

Esaya 23:18

Kambe bindzu ra yena ni ku hakela ka yena swi ta hlawuleriwa Yehovha: swi nga ka swi nga hlengeleteriwi kun'we, hambi ku ri ku vekiwa; hikuva rifuwo ra yena ni bindzu swi ta va swa lava akeke emahlweni ka Yehovha; hileswaku va ta dya, va xurha, va funengela leswo saseka ngopfu.

Esaya 5:1

Ndzi ta yimbelela eka murhandziwa wa mina, risimu ra murhandziwa wanga ematshan'weni ya nsimu ya yena ya vhinya. Murhandziwa wanga a a ri ni nsimu ya vhinya exitsungeni lexi noneke.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Esaya 61:11

Hikuva, hilaha misava yi humesaka mahluke, hilaha ntanga wu mirisaka timbewu ta wona, hi mukhuva wolowo, Hosi Yehovha, u ta mirisa ku lulama ni ku dzuna, emahlweni ka matiko hinkwawo.

Esaya 65:13

Hikwalaho Hosi Yehovha u vulavula sweswo, a ku: “Maswivo, malandza ya mina ma ta dya, kambe n'wina mi ta va ni ndlala; maswivo, malandza ya mina ma ta nwa, kambe n'wina mi ta va ni torha; maswivo, malandza ya mina ma ta tsaka, kambe n'wina mi ta va ni tingana;

Esaya 66:14

Mi ta swi vona, timbilu ta n'wina ti ta tsaka, marhambu ya n'wina ma ta kuma matimba lamantshwa tanihi byanyi; voko ra Yehovha ri ta tikombisa hi rirhandzu eka malandza ya yena, kambe u ta kombisa ku kariha eka valala va yena.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Luka 12:4

Kambe ndzi ri eka n'wina, mi nga vanakulorhi: Mi nga tshuki mi chava lava dlayaka miri, kutani ndzhaku, a va na swin'wana leswi va nga ta swi endla.

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Vaavanyisi 14:11

Kutani loko, va n'wi vona va n'wi hlawulela tinxangwana ta 30, va va na yena.

Vaavanyisi 14:20

Kutani nsati wa Samsoni a nyikiwa nakulobye, loyi a n'wi endleke nxangwana ya yena.