Risimu ra Tinsimu 4:9 - Xitsonga (Bibele)

⁹ U teke mbilu ya mina, makwerhu muvutiwa wa mina, U teka mbilu ya mina hi tihlo rin'we ra wena, Hi nketana yin'we ya nhamu ya wena.

BIBELE Mahungu Lamanene

⁹ U ndzi yivile mbilu, we murhandziwa, nhwana wanga; loko u ndzi tlhava hi tihlo, wa ndzi tsakisa, vuhlalu lebyi u byi ambaleke byi ndzi koka mahlo.

Risimu ra Tinsimu 4:9 Iomraidhean Croise

Genesa 20:12

Kasi na kona, i makwerhu kunene, n'wana wa tatana, ntsena a hi n'wana wa manana, kambe i nsati wa mina.

Genesa 41:42

Faro a susa xingwavila xa yena eritihweni ra yena, a vehela eritihweni ra Yosefa; a n'wi bombisa hi mikhancu leya ntsembyana lowo vevuka, a n'wi bela ritlama ra nsuku enhan'wini;

Pisalema 45:9

Vanhwanyana va tihosi va le xikarhi ka malandza ya wena. Nsati wa wena u tshamile evokweni ra wena ra xinene, U sasekisiwe hi nsuku wa Ofiri.

Swivuriso 1:9

Hikuva swi ta va xibombiso lexo saseka enhlokweni ya wena, Ni sindza ra nkoka enhan'wini ya wena.

Swivuriso 6:25

U nga tshiki mbilu ya wena yi navela vubombi bya yena, U nga kokiwi hi tinxiye ta yena.

Risimu ra Tinsimu 1:10

Marhama ya wena ma sasekile exikarhi ka tinxaxa ta swingwavila, Ni nhamu ya wena hi mikarara ya vuhlalu.

Risimu ra Tinsimu 1:15

Vona, u sasekile, murhandziwa wa mina, u sasekile! Mahlo ya wena ma fana ni ya tuva.

Risimu ra Tinsimu 3:11

Humani, n'wina vanhwanyana va le Siyoni, Mi ya hlalela hosi Solomoni, Ni harhi ya vuhosi leyi a nga vehela hi mana wa yena, Hi siku ra ku teka ka yena, Ni siku ra ku tsaka ka mbilu ya yena.

Risimu ra Tinsimu 4:10

A hi ku nandziha ka rirhandzu ra wena, makwerhu, muvutiwa wa mina! Rirhandzu ra wena ri nandziha swonghasi, ri tlula vhinyo; Ku nun'hwela ka wena ku tlurisa mirhi hinkwayo ya risuna!

Risimu ra Tinsimu 4:12

Makwerhu, muvutiwa wa mina, u nsimu leyi biyeriweke, U xihlovo lexi pfariweke, ni xihlovo lexi tiyisiweke.

Risimu ra Tinsimu 6:12

Hambi ndzi nga swi tivi, ku navela ka mina Ku ndzi yisile eka tigolonyi ta tiko ranga ra mafundza.

Risimu ra Tinsimu 6:5

Tlherisa mahlo ya wena, hikuva ma ndzi hlurile; Misisi ya wena yi kotisa ntlhambi wa timbuti lowu vonakaka etintshaveni ta Giliyadi.

Risimu ra Tinsimu 7:10

Nomu wa wena a wu fane ni vhinyo leyo nandziha, Leyi lulamelaka murhandziwa wa mina, Leyi rhetemukaka emilon'wini ya lava khudzihelaka!

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.

Ezekiele 16:11

Ndzi ku sasekisa hi swibombiso ni vusenga emavokweni, ndzi ku bohela ni sindza enhan'wini.

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

1 Vakorinto 9:5

Xana a hi lulamelanga ku heleketana ni makwerhu wa xisati la nga nsati wa mina, kukota vaapostola van'wana, ni vamakwavo va Hosi, na Kefasi xana?

2 Vakorinto 11:2

Hikuva ndza mi rhandza hi rirhandzu ra Xikwembu, hi leswi ndzi mi lovoleleke enuneni un'we, ku mi humesela eka Kriste, mi kotisa wanhwana la nga riki na nandzu.

Nhlavutelo 21:2

Ndzi vona ni muti lowo kwetsima, Yerusalema lowuntshwa, lowu xikaka hi le tilweni eka Xikwembu, wu tilunghisile kukota mutekiwa la tibombiseleke nuna wa yena.