Risimu ra Tinsimu 4:12 - Xitsonga (Bibele)

¹² Makwerhu, muvutiwa wa mina, u nsimu leyi biyeriweke, U xihlovo lexi pfariweke, ni xihlovo lexi tiyisiweke.

BIBELE Mahungu Lamanene

¹² Murhandziwa, ye nhwana wanga, i ntanga lowu biyeleriweke, o va wona hakunene! I xihlovo lexi funengetiweke.

Risimu ra Tinsimu 4:12 Iomraidhean Croise

Genesa 29:3

Kuteloko mitlhambi hinkwayo yi hlengeletane kona, a va vumbuluxa ribye va ri susa enon'wini wa xihlovo, va nwisa mitlhambi, endzhaku va tlhela va veka ribye enon'wini wa xihlovo endhawini ya rona.

Risimu ra Tinsimu 4:9

U teke mbilu ya mina, makwerhu muvutiwa wa mina, U teka mbilu ya mina hi tihlo rin'we ra wena, Hi nketana yin'we ya nhamu ya wena.

Risimu ra Tinsimu 6:11

Ndzi ngirimele entangeni wa mikanyi, Ku ya vona rihlaza ra nkova, Ku ya languta vhinya loko kumbe yi hlukile, Ni mirhi ya magirenada, loko kumbe yi balekile swiluva?

Risimu ra Tinsimu 6:2

Murhandziwa wa mina u fambile ensin'wini ya yena, Etindzimeni ta mirhi ya risuna, Leswaku a dyisa ntlhambi wa yena emasikwini, a kha makhon'wa.

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Yeremiya 31:12

Va ta ta va huwelela hi ku tsaka eswitsungeni swa Siyoni; va ta tsutsumela vunene bya Yehovha, yi nga koro, ni vhinyo ni mafurha, ni leswi tswariweke hi tinyimpfu ni tihomu; mimoya ya vona yi ta kotisa ntanga lowu cheletiweke swinene, a va nga ha tshami eku vavisekeni.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

1 Vakorinto 6:13

“Swakudya, i swa khwiri, kutani khwiri i ra swakudya”; kambe Xikwembu xi ta herisa swona na rona.

1 Vakorinto 7:34

Nsati la tekiweke a nga fani ni wanhwana: La nga tekiwangiki u xiya swa Hosi, u ta kwetsima emirini ni le moyeni; kambe la tekiweke u xiya swa misava leyi, ni hilaha a nga tsakisaka nuna wa yena hakona.

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

Vaefesa 1:13

yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Nhlavutelo 7:3

yi ku: “Mi nga tshuki mi onha misava, hambi ri ri lwandle, hambi yi ri mirhi, hi nga si fungha malandza ya Xikwembu emimombyeni ya vona.”