Risimu ra Tinsimu 2:9 - Xitsonga (Bibele)

⁹ Murhandziwa wa mina u fana ni mhala, Kumbe rhole ra mbavala: Vona, u yime endzhaku ka rihlampfu ra rikwerhu, U languta hi mafasitere, u hlometela hi fasitere.

BIBELE Mahungu Lamanene

⁹ Murhandziwa wa mina, ú fana ni mhala kumbe mbavala. Vonani, hi luyaa, ú yimile kusuhi ni rihlampfu ra ka hina, ú hlometela hi le mafasitereni, a languta endzeni.

Risimu ra Tinsimu 2:9 Iomraidhean Croise

2 SAMIELE 2:18

Vana va Seruya lavanharhu a va ri kona; a a ri Yowabu, na Abixayi, na Asahele; Asahele a a kota ku tsutsuma kukotisa mhunti ya nhova.

Swivuriso 5:19

Mhunti leyi rhandzekaka, ntshembe ya ku saseka, Vumbhurhi bya yena a byi ku tsakise hi masiku, Rirhandzu ra yena a ri tate mbilu ya wena hi masiku.

Swivuriso 6:5

U phonyoka kukota ntshembe emarindzini, Kukota nyanyana entlhan'wini wa muhloti.

Swivuriso 7:6

A ndzi yimile efasitereni ra yindlu ya mina, Ndzi languta hi tinhi ta rona.

Risimu ra Tinsimu 1:16

Murhandziwa wa mina vona, u sasekile, wa rhandzeka! Byetlelo bya hina hi lebya rilambyana.

Risimu ra Tinsimu 2:17

Ri kondza ri xa, ni mindzhuti yi ko yi muka, Vuya, murhandziwa wa mina, U fana ni mhala, kumbe mbavala leyitsongo, Etintshaveni leti hi hambanyisaka.

Risimu ra Tinsimu 2:7

Ndza mi lerisa, n'wina vanhwanyana va Yerusalema, Hi timhala, ni timbavala ta le nhoveni, Leswaku mi nga n'wi hiti, ni loko ku ri ku pfuxa murhandziwa wa mina, A nga si swi rhandza.

Risimu ra Tinsimu 3:5

Vanhwanyana va Yerusalema, ndzi mi hlambanyisa Hi timhala ni timbavala ta le nhoveni, Leswaku mi nga n'wi hiti, hambi ku n'wi pfuxa, Murhandziwa wa mina, a nga si swi rhandza.

Risimu ra Tinsimu 8:14

Suka, u tsutsuma, murhandziwa wanga! Kukotisa ntswele ya mhala, kumbe rhole ra timbavala, Etintshaveni ta mirhi ya risuna!

Luka 24:35

Kutani, na vona, va vula leswi nga va humelela endleleni, ni laha a tiviwaka hi vona eku phemeni ka xinkwa.

Yohane 12:41

Esaya u vurile timhaka teto loko a vona ku kwetsima ka yena, ni loko a vula ta yena.

Yohane 5:39

“Mi lavisisa Matsalwa, hikuva mi anakanya leswaku mi ta kuma vutomi lebyi nga heriki eka wona; kasi hi wona lama ndzi vulaka.

Yohane 5:46

Loko ngi mi pfumerile eka Muxe, ni ka mina a mi ta pfumela; hikuva u tsarile timhaka ta mina.

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

Vakolosa 2:17

swi ri leswi nga ndzhuti wa leswi nga ta ta, kambe miri wa swona i Kriste.

Vaheveru 10:1

Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Vaavanyisi 5:28

“Mana wa Sisera a languta hi fasitere, Emavonini ya fasitere a huwelela: ‘Golonyi ya yena yi hlwele ha yini ku fika xana? Tigolonyi ta yena ti famba khwatsi ha yini-ke?’