Risimu ra Tinsimu 2:17 - Xitsonga (Bibele)

¹⁷ Ri kondza ri xa, ni mindzhuti yi ko yi muka, Vuya, murhandziwa wa mina, U fana ni mhala, kumbe mbavala leyitsongo, Etintshaveni leti hi hambanyisaka.

BIBELE Mahungu Lamanene

¹⁷ vurhonga byi ko byi tshwuka, ni dyambu ri ko ri tlhava. Murhandziwa, vuya hi ku hatlisa, ku fana ni mhala kumbe mbavala, etintshaveni ta Betere.

Risimu ra Tinsimu 2:17 Iomraidhean Croise

Swivuriso 5:19

Mhunti leyi rhandzekaka, ntshembe ya ku saseka, Vumbhurhi bya yena a byi ku tsakise hi masiku, Rirhandzu ra yena a ri tate mbilu ya wena hi masiku.

Risimu ra Tinsimu 2:7

Ndza mi lerisa, n'wina vanhwanyana va Yerusalema, Hi timhala, ni timbavala ta le nhoveni, Leswaku mi nga n'wi hiti, ni loko ku ri ku pfuxa murhandziwa wa mina, A nga si swi rhandza.

Risimu ra Tinsimu 4:6

Ku fikela loko byi xa, mindzhuti yi suka, Ndzi ta ya entshaveni ya mirha, ni le switsungeni swa mirhi ya risuna.

Risimu ra Tinsimu 8:14

Suka, u tsutsuma, murhandziwa wanga! Kukotisa ntswele ya mhala, kumbe rhole ra timbavala, Etintshaveni ta mirhi ya risuna!

Luka 1:78

hikwalaho ka tintswalo letikulu ta Xikwembu hi dyambu ra vuxa,

Varhoma 13:12

Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

Vaheveru 10:1

Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.

Vaheveru 8:5

va nga lava gandzelaka hi mukhuva wa xifaniso ni ndzhuti wa leswi nga etilweni, hilaha Muxe a lerisiweke hakona, loko a ta endla tabernakela, hileswaku: “Tivonele, u endla hinkwaswo hilaha u kombisiweke hakona, u ri entshaveni.”

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.