Risimu ra Tinsimu 2:12 - Xitsonga (Bibele)

¹² swiluva swa baleka etikweni; Nkarhi wa miloti ya tinyanyana wu fikile, Rito ra tuva ra twakala etikweni ra rikwerhu.

BIBELE Mahungu Lamanene

¹² Swiluva na swona swi balekile etikweni, nkarhi wa ku yimbelela ka tinyanyana wu fikile, ku twala rito ra tuva etikweni ra ka hina.

Risimu ra Tinsimu 2:12 Iomraidhean Croise

Genesa 15:9

Kutani Yehovha a ku: “Ndzi tisele thokazi ra malembe manharhu, ni mbuti ya malembe manharhu, ni khuna ra malembe manharhu, ni tuva, ni gugurhwana.”

Pisalema 74:19

U nga nyiketi eswivandzaneni moya wa gugurhwana wa wena; U nga rivali hi masiku ntlhambi wa wena wa lava xanisekaka!

Pisalema 89:15

Ku katekile tiko leri tivaka mpfumawulo wa nanga! Ri famba eku vonakaleni ka mombo wa wena, Yehovha.

Risimu ra Tinsimu 2:11

Hikuva vona, xixika xi hundzile, Mpfula yi xile, yi mukile,

Risimu ra Tinsimu 6:11

Ndzi ngirimele entangeni wa mikanyi, Ku ya vona rihlaza ra nkova, Ku ya languta vhinya loko kumbe yi hlukile, Ni mirhi ya magirenada, loko kumbe yi balekile swiluva?

Risimu ra Tinsimu 6:2

Murhandziwa wa mina u fambile ensin'wini ya yena, Etindzimeni ta mirhi ya risuna, Leswaku a dyisa ntlhambi wa yena emasikwini, a kha makhon'wa.

Esaya 55:12

“Kunene mi ta huma hi ku tsaka mi ta fambisiwa hi ku rhula, tintshava ni switsunga swi ta tsaka ngopfu emahlweni ka n'wina, kutani mirhi hinkwayo ya nhova yi ta phokotela.

Yeremiya 8:7

Hambi ri ri gumba, ri tiva mikarhi ya rona empfhukeni, ni tuva, ni mbewulana, ni ntsavila, swi tiva nkarhi wa ku tlhela ka swona; kambe tiko ra mina, a ri tivi ku lulama ka Yehovha.

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.