Pisalema 96:2 - Xitsonga (Bibele)

² Yimbelelani Yehovha, mi dzunisa vito ra yena, Vulani siku rin'wana ni rin'wana ku hlayiseka ka yena!

BIBELE Mahungu Lamanene

² Yimbelelani mi dzunisa HOSI, mi tlangela vito ra yona; siku rin'wana ni rin'wana vulani leswaku Xikwembu i muponisi.

Pisalema 96:2 Iomraidhean Croise

1 TIKRONIKA 29:20

Davhida a ku eka nhlengeletano hinkwayo: “Dzunisani Yehovha, Xikwembu xa n'wina!” Kutani nhlengeletano hinkwayo yi dzunisa Yehovha, Xikwembu xa vatata wa vona, va korhama, va khinsama emahlweni ka Yehovha ni le mahlweni ka hosi.

Pisalema 103:20

Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!

Pisalema 145:1

Ndzi ta ku kurisa, Xikwembu xa mina, Hosi ya nga! Ndzi ta vonga vito ra wena hi mikarhi leyi nga yiki helo.

Pisalema 145:10

Yehovha, mitirho ya wena hinkwayo ya ku dzunisa, Ni lava ku rhandzaka va ku vonga!

Pisalema 145:2

Ndzi ta ku vonga hi masiku hinkwawo, Ndzi dzunisa vito ra wena hi mikarhi leyi nga heriki.

Pisalema 40:10

A ndzi fihlanga ku lulama ka wena embilwini ya nga, Ndzi vurile ku tshembeka ka wena ni ku hlayiseka ka wena, A ndzi fihlelanga nhlengeletano leyikulu tintswalo ta wena, ni ku lulama ka wena.

Pisalema 71:15

Nomu wa mina wu ta twarisa ku lulama ka wena, Ni ku hlayiseka ka wena hi siku rin'wana ni rin'wana; Hikuva a ndzi tivi mpimo wa swona.

Esaya 40:9

Tlhandlukelani entshaveni leyo leha, n'wina lami tiselaka Siyoni mhaka leyo nandziha; tlakusani rito hi matimba, n'wina la mi tiselaka Yerusalema, mhaka leyo nandziha; ri tlakuseni, mi nga chaveni; byelani miti ya Yuda, mi ku: “Hi xona Xikwembu xa n'wina!”

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Nhlavutelo 5:13

Kutani ndzi twa swivumbiwa hinkwaswo swa le tilweni, ni swa la emisaveni, ni leswi nga ehansi ka misava, ni leswi nga elwandle, ni hinkwaswo leswi nga eka swona, swi ku: “Eka loyi a tshameke exiluvelweni, ni ka Xinyimpfana, a ku ve ku khensiwa, ni xichavo, ni ku kwetsima, ni matimba hilaha ku nga heriki!”