Pisalema 92:12 - Xitsonga (Bibele)

¹² Lava lulameke va mila kukota murhi wa ncindzu, Va kula kukota murhi wa kedari ya Lebanoni.

BIBELE Mahungu Lamanene

¹² Lavo lulama va ta mila kukota ncindzu, va ta kula ku fana ni murhi wa kedari wa le Lebanoni.

Pisalema 92:12 Iomraidhean Croise

1 TIHOSI 4:33

A vula timhaka ta mirhi, ku suka eka wa kedari lowu nga ehenhla ka Lebanoni ku fika eka wa hisopa lowu humaka ekhumbini; a vula ni timhaka ta swifuwo, ni ta tinyanyana, ni ta swikokovi, ni ta tinhlampfi.

1 TIHOSI 6:29

Ematlhelweni hinkwawo ya khumbi ra Yindlu, emapulangeni, a vatla tikerubu, ni micindzu ni swiluva leswi balekeke; swi vatliwa endzeni ni le handle ka Yindlu.

Estere 9:5

Vayuda va dlaya valala va vona hinkwavo hi fumu, ku va ku dlawa ni ku lovisa lokukulu, kutani va endla lava va va vengeke hi ku rhandza ka vona.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Pisalema 104:16

Mirhi ya Yehovha yi xurhile, Tona tikedari ta Lebanoni leti a nga ti simeka.

Pisalema 148:9

Tintshava ni switsunga hinkwaswo, Mirhi ya mihandzu, na n'wina tikedari hinkwenu,

Pisalema 37:34

Tshemba Yehovha, u hlayisa ndlela ya yena, U ta ku kurisa leswaku u fuma misava; Kambe u ta vona ku herisiwa ka lavo biha.

Pisalema 52:8

Kambe mina, ndzi fana ni mutlhwari lowu hlukeke endlwini ya Xikwembu, Ndzi tshemba tintswalo ta Xikwembu hi masiku lama nga heriki.

Pisalema 72:7

Emasikwini ya yona, lowo lulama u ta hluka; Ni ku rhula ku ta andza, n'weti wu ko wu nga ha ri kona.

Pisalema 92:7

Hambi vadyohi va mila tanihi byanyi, Ni vahomboloki loko va andza, Va ta herisiwa ni makumu.

Esaya 55:13

Ematshan'weni ya mitwa ku ta kula kipresi, ematshan'weni ya mphasamhala, ku ta kula mirta; swi ta twarisa Yehovha, xi ta va xikombiso lexi nga heriki, lexi nga herisiwiki.”

Esaya 65:22

Va nga ka va nga ha aki tindlu, leswaku un'wana a ta tshama kona, va nga ka va nga ha byari leswaku un'wana a ta dya, hikuva masiku ya tiko ra mina ma ta ringana ni masiku ya mirhi, kutani vahlawuriwa va mina va ta tsakela ntirho wa mavoko ya vona,

Yeremiya 17:8

U kotisa murhi lowu simekiweke ekusuhi ni mati, lowu timitsu ta wona ti navaka ematini; ni loko ku nga ta dyandza, a wu twi nchumu; ni matluka ya wona ma va ya ntima; hi lembe ra dyandza a wu tshuki nchumu, kambe a wu tshiki ku veka mihandzu.

Amosi 2:9

“Kasi hi mina la heriseke Vaamori emahlweni ka n'wina, valavo ku leha ka vona a ku fana ni ku leha ka tikedari, va ri ni matimba ku fana ni tieike, ndzi heta mihandzu ya vona ehenhla, ni timitsu ta vona ehansi.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Tinhlayo 24:6

Oho Israele! Vuako bya wena byi nava kukotisa mikova, Kukotisa mitanga ekusuhi ni nambu, Kukotisa mhanga leyi byariweke hi Yehovha, Kukotisa tikedari leti nga ekusuhi ni mati.