Pisalema 9:10 - Xitsonga (Bibele)

¹⁰ Lava tivaka vito ra wena va titshembisa ha wena; Hikuva wena Yehovha, a ku tshiki lava ku lavaka.

BIBELE Mahungu Lamanene

¹⁰ Vanhu lava tivaka vito ra wena, we HOSI, va titshembela wena, hikuva a wu fularheli lava fambaka va ku lava.

Pisalema 9:10 Iomraidhean Croise

2 SAMIELE 22:3

Oho! Xikwembu xa mina, ribye ra mina leri ndzi chavelaka eka rona, Xitlhangu xa mina, ni matimba lawa ndzi hlayisekaka ha wona, Ni khokholo leri tlakukeke ra mina, ni xichavelo xa mina! Muponisi wanga! U ndzi sirhelela eka lava ndzi endlaka hi matimba.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Pisalema 37:28

Hikuva Yehovha u rhandza ku lulama, A nga ka a nga tshiki lava n'wi rhandzaka, Va hlayisiwa hi masiku. Kambe vana va lavo biha va ta herisiwa.

Pisalema 37:39

Ku hlayiseka ka lavo lulama ku huma eka Yehovha! I khokholo ra vona enkarhini wa mahlomulo.

Pisalema 5:11

Kutani hinkwavo lava ku tshembaka va ta tsaka; Va ta tsakisisa hilaha ku nga heriki, kutani u ta va lwela. Lava rhandzaka vito ra wena va ta ku tsakela.

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Pisalema 91:14

Leswi a ndzi rhandzaka ndzi ta n'wi kutsula; Ndzi ta n'wi tlakusa, hikuva u tivile vito ra mina,

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Esaya 25:4

Hikuva u xichavelo xa lava tsaneke, ni xichavelo xa xisiwana emapfalweni ya xona, ni xisirhelo hi siku ra xidzedze, ni ndzhuti loko dyambu ri hisa, hikuva moya wa vaxanisi wu kotisa xidzedze lexi solovanyaka khumbi.

Esaya 45:19

A ndzi vulavulanga exihundleni, endhawini ya munyama ya misava, a ndzi byelanga vatukulu va Yakobo ndzi ku: ‘Mi ta ndzi lava mahala!’ Mina Yehovha, ndzi vula leswo lulama, ndzi vula leswi tiyeke.

Yeremiya 29:13

Mi ta ndzi lava, mi va mi ndzi kuma, hikuva mi ta ndzi lava hi timbilu hinkwato ta n'wina.

Nahume 1:7

Yehovha u ni tintswalo, i xichavelo esikwini ra khombo, u tiva lava chavelaka eka yena.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

1 Yohane 2:3

Kutani laha hi tivaka leswaku ha n'wi tiva, hi loko hi hlayisa milawu ya yena.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.