Pisalema 85:8 - Xitsonga (Bibele)

⁸ Ndzi ta yingisa leswi vuriwaka hi Yehovha Xikwembu; Hikuva u vula ku rhula ka tiko ra yena, ni ka vahlawuriwa va yena; Kambe va nga tshuki va ha vuyela eku hungukeni ka vona.

BIBELE Mahungu Lamanene

⁸ Ndzi navela ku yingisa leswi HOSI Xikwembu xi swi vulaka; marito ya xona ma tisa ku rhula eka vanhu va xona lava va xi khongelaka. Ntsena va nga ha tlheleli eswidyohweni swa vona!

Pisalema 85:8 Iomraidhean Croise

Genesa 34:7

Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.

Pisalema 130:4

Hikuva ku rivalela ku le ka wena, Leswaku u chaviwa.

Pisalema 29:11

Yehovha u ta nyika tiko ra yena matimba; Yehovha u ta katekisa tiko ra yena hi ku rhula.

Pisalema 50:5

Ndzi hlengeleteleni lava ndzi rhandzaka, Lava endleke ntwanano na mina hi magandzelo.

Swivuriso 25:11

Marito lama vulavuriweke hi nkarhi Ma kotisa malamula ya nsuku entewaneni wa silivhere.

Swivuriso 27:22

Hambi u kandza xihunguki entshurini, U kandza hi musi u pfanga ni mavele lama siriwaka, Vuhunguki bya xona byi nga ka byi nga n'wi sukeli.

Esaya 57:19

Loyi a vekaka ku khensa emilon'wini ya vanhu, a ku: “Ku rhula, ku rhula eka loyi a nga ekule, ni ka loyi a nga ekusuhi! Ndzi ta va hanyisa.

Habakuku 2:1

Ndzi ta yima exitshan'weni xa mina xa vulanguteri, ndzi ta khandziya exihlungweni xa mulanguteri, ndzi langutisa ku vona lexi Yehovha a nga ta xi vulavula eka mina, ni lexi ndzi nga hlamulaka eswirilweni leswo swa mina.

Hagayi 2:9

Ku kwetsima ka yindlu ya le ndzhaku ku ta tlula ka leyo sungula, ku vula Yehovha wa mavandla; exivandleni lexi, ndzi ta veka ku rhula, ku vula Yehovha wa mavandla.’ ”

Zakariya 9:10

Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Yohane 20:19

Nimadyambu ya siku rero leri sungulaka vhiki, tinyangwa ti pfariwile laha vadyondzisiwa va hlengeletaneke kona hikwalaho ka ku chava Vayuda, Yesu a ta, a yima exikarhi ka vona, a ku eka vona: “Ku rhula a ku ve na n'wina!”

Yohane 20:26

Kuteloko ku hundzile masiku ya ntlhanu na manharhu, vadyondzisiwa a va ri kona endlwini, na yena Tomasi a a ri na vona. Yesu a ta, tinyangwa ti pfariwile, a yima exikarhi ka vona a ku: “Ku rhula a ku ve na n'wina!”

Yohane 5:14

Endzhaku ka swona, Yesu a n'wi kuma etempeleni, a ku eka yena: “Waswivo, u hanyisiwile; u nga tshuki u engeta u dyoha leswaku khombo lerikulu ka lero rhanga ri nga ku humeleri.”

Yohane 8:11

A ku: “A nga kona, Hosi.” Kutani Yesu a ku eka yena: “Na mina, a ndzi ku avanyisi; famba, u nga ha tlheli u dyoha.”

Timhaka 10:36

Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Vagalatiya 4:9

Kambe sweswi, leswi mi tivaka Xikwembu, ngopfu ndzi nga ku, leswi mi nga tiviwa hi Xikwembu, xana mi tlhelela yini etimhakeni ta khale leti nga riki na matimba, ta vusiwana, leti mi rhandzaka ku tlhela mi tiboha eka tona?

Vaefesa 2:17

Kutani leswi a nga ta, a vula ku rhula eka n'wina valavo ingi mi ri ekule, ni ku rhula eka lava ingi va ri ekusuhi;

2 Vatesalonika 3:16

Sweswi, hosi ya ku rhula, hi xiviri xa yona, a yi mi nyike ku tsaka hi masiku, ematlhelweni hinkwawo. Hosi a yi ve na n'wina hinkwenu.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

1 SAMIELE 25:25

Hosi yanga yi nga tshuki yi anakanya munhu loyi wa tihanyi, a nga Nabala, hikuva hi rona vito ra yena, kunene Nabala i vito ra yena, ku ni vuhunguki eka yena. Loko ndzi ri mina, nandza wa wena, a ndzi vonanga majaha lawa u ma rhumeke.