Pisalema 82:5 - Xitsonga (Bibele)

⁵ A va na ku tiva ni ku twisisa, va famba emunyameni; Masungulo hinkwawo ya misava ma tsekatseka.

BIBELE Mahungu Lamanene

⁵ “Kambe n'wina a mi na vutivi, ni ku twisisa a mi twisisi; mi gugurhuteka emunyameni, hikokwalaho masungulo ya misava hinkwayo ma tsekatseka.

Pisalema 82:5 Iomraidhean Croise

Ntirho 8:9

Hikuva hina hi va tolo, a hi tivi nchumu, Masiku ya hina la misaveni i mindzhuti ntsena.

Pisalema 11:3

Loko masungulo ma mbundzukile, La lulameke a nga endlisa ku yini?

Pisalema 14:4

Xana hinkwavo lava endlaka swo biha va pfumala ku tiva xana? Va dya tiko ra mina kukotisa loko ku dyiwa vuswa; A va khongeri Yehovha.

Pisalema 53:4

Xana a va na ku twisisa, lava endlaka leswo biha? Lava dyaka tiko ranga kukotisa loko ingi byi ri vuswa, Lava nga khongeliki Xikwembu.

Pisalema 75:3

Misava yi tsekatseka ni hinkwavo lava akeke eka yona, Mina ndza tiyisa timhandze ta yona.

Pisalema 99:1

Yehovha wa fuma, matiko ma rhurhumela; U tshamile exikarhi ka tikerubu; misava ya tsekatseka.

Swivuriso 1:29

Hikuva va vengile vutivi, A va tihlawulelanga ku chava Yehovha,

Swivuriso 2:13

Eka lava fularhelaka ndlela yo lulama, Lava fambaka hi tindlela ta munyama,

Swivuriso 4:19

Kambe ndlela ya vadyohi yi kotisa munyama, A va tivi laha va welaka kona.

Eklesiasta 2:14

Mahlo ya munhu lowo tlhariha ma le nhlokweni ya yena, kasi xihunguki xi famba emunyameni hambiswiritano ndzi tsundzukile leswaku va humeleriwa havambirhi hi khombo leri fananaka.

Eklesiasta 3:16

Ndzi engeta kambe ndzi vona ehansi ka dyambu leswaku ku homboloka a ku ri kona endhawini ya ku avanyisa ni ku homboloka a ku ri kona endhawini ya ku lulama.

Esaya 5:7

Hikuva vhinya ya Yehovha wa tinyimpi i yindlu ya Israele, kutani vavanuna va Yuda i swimudyana leswi ngi a tsakeke ha swona; a tshembile ku lulama, kasi i ku halatiwa ka ngati; a tshembile ku tenga, kasi i ku vovola.

Esaya 59:9

Hikwalaho ka swona, ku pona ku le kule na hina, ni ku lulama a ku fiki ka hina; hi langutele ku vonakala, kasi munyama wu kona, hi langutele nhlekanhi, kasi hi famba emunyameni.

Mikiya 3:1

Kutani ndzi ri: Yingisani, n'wina tihosi ta yindlu ya Yakobo, na n'wina tihosi ta Israele! Xana a hi n'wina mi fanelaka ku tiva leswi lulameke?

Yohane 12:35

Kutani Yesu a ku eka vona: “Ma ha ri ni ku vonakala hi nkarhi wu nga ri wungani; Fambani loko ma ha ri ni ku vonakala, leswaku munyama wu nga ti mi kuma; hikuva la fambaka emunyameni, a nga tivi laha a yaka kona.

Yohane 3:19

Ku avanyisa hi kuloku: Ku vonakala ku tile emisaveni, kambe vanhu va rhandzile munyama ku tlurisa ku vonakala, hikuva mitirho ya vona a yi ri leyo biha.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

1 Yohane 2:11

Kambe la vengaka makwavo u le munyameni, na swona u famba emunyameni, kutani a nga tivi laha a yaka kona, hikuva munyama wu dlele mahlo ya yena.