Pisalema 8:2 - Xitsonga (Bibele)

² Wa tiyisa matimba ya wena hi milomu ya swihlangi ni ya lava an'waka. Hikwalaho ka lava lwaka na wena, Ku miyeta nala wa wena, ni la tirihiselaka.

BIBELE Mahungu Lamanene

² u tiendlerile rirhangu hi milomo ya tindzumulo ni ya swihlangi swa le makatleni, u vhika ha yona lava lwaka na wena, u miyeta nala ni murihiseli.

Pisalema 8:2 Iomraidhean Croise

Pisalema 148:13

Hikuva vito ra yena hi rona ntsena leri tlakukeke; Vuhosi bya yena byi tlakukile ku tlula misava ni matilo.

Pisalema 4:4

Rhurhumelani, mi nga tshuki mi dyoha; Mi vulavula hi timbilu loko mi etlela, kambe mi miyela.

Pisalema 44:16

Loko ndzi twa rito ra la ndzi rhukanaka a va a ndzi sandza, Loko ndzi vona nala ni loyi a tirihiselaka.

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Pisalema 57:6

A va rhiyile ntlhamu ehansi ka mikondzo ya mina, Moya wa mina a wu korhamile; A va cerile rindzi emahlweni ka mina: Ku wele vona eka rona.

Eksoda 11:7

Kambe exikarhi ka vana va Israele, a ku nga vi na mbyana leyi nga ta tsekatsekisa ririmi ra yona evanhwini, hambi eka swifuwo, mi ta tiva hakona leswaku Yehovha u hlawurile Israele eka Vaegipta.’ ”

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Amosi 5:9

U pfukela lowa matimba ku onhaka, kutani ku onhaka ku fikela muti wa matimba.

Habakuku 2:20

Kambe Yehovha u le tempeleni ya yena leyi hlawulekeke. Misava hinkwayo a yi miyele emahlweni ka yena!

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Matewu 21:16

va ku eka yena: “Xana wa swi twa leswi va swi vulaka xana?” Yesu a ku eka vona: “Ina, xana a mi si hlaya timhaka leti nge: ‘Ku dzuniwa ka wena, u ku humesile ka milomu ya vana, ni ya lava an'waka’?”

Luka 10:21

Enkarhini wolowo, Yesu a tshukatshuka hi ku tsaka emoyeni wa yena a ku: “Ndza ku dzunisa Tatana, Hosi ya le tilweni ni ya misava, hikuva timhaka leti, u ti fihlele lavo tlhariha ni va mano, kambe u ti pfuletele lavatsongo. Ina, Tatana, swi tano, hikuva u swi rhandzise sweswo.

1 Vakorinto 1:27

kambe Xikwembu xi tihlawulele swihunguki swa misava, leswaku swi khomisa va vutlhari tingana; ni leswi tsaneke swa misava, Xikwembu xi tihlawulele swona, ku khomisa vamatimba tingana;

1 SAMIELE 2:9

“Wa hlayisa mikondzo ya lava n'wi rhandzaka, Kambe lavo biha va miyela emunyameni; Hikuva munhu a nga ka a nga kurisiwi hi matimba.