Pisalema 74:2 - Xitsonga (Bibele)

² Tsundzuka tiko leri u nga titekela rona khale, Leri u nga ri kutsula tani hi rixaka ra ndzhaka ya wena! Tsundzuka ntshava ya Siyoni, leyi u nga titshamela eka yona.

BIBELE Mahungu Lamanene

² Anakanya vanhu va wena lava u nga tihlawulela vona ku sukela khale, va nga lava u va kutsuleke leswaku va va ndzhaka ya wena. Tsundzuka ni ntshava ya Siyoni leyi khale a wu tshama eka yona.

Pisalema 74:2 Iomraidhean Croise

Pisalema 106:40

Vukari bya Yehovha byi pfurhela tiko ra yena, Ndzhaka ya yena yi hundzuka xilo lexa manyala.

Pisalema 135:4

Hikuva Yehovha u tihlawulele Yakobo, Na Israele, leswaku a va ndzhaka ya yena.

Pisalema 33:12

Ku katekile tiko leri Yehovha a nga Xikwembu xa rona! Ni vanhu lava a tihlawuleleke ku va ndzhaka ya vona!

Pisalema 68:16

Xana n'wina tintshava leta tinhlohlorhi to tala, mi rindzela yini Ntshava leyi Xikwembu xi yi hlawuleke ku va xitshamo xa xona xana? Kunene Yehovha u ta tshama kona hi laha ku nga heriki.

Pisalema 77:15

Hi voko ra wena u kutsurile tiko ra wena Vana va Yakobo ni va Yosefa.

Pisalema 9:11

Yimbelelani Yehovha la tshamaka Siyoni, Byelani matiko mitirho leyikulu ya yena.

Pisalema 9:12

Hikuva murihiseri wa ngati u anakanya lava nga ekhombyeni, A nga rivali ku huwelela ka lava nga ni nhlomulo.

Pisalema 94:14

Hikuva Yehovha a nga ka a nga cukumeti tiko ra yena, A nga tshiki ndzhaka ya yena.

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

Esaya 62:12

Va ta vuriwa tiko ro kwetsima, vakutsuriwa va Yehovha, kutani wena u ta thyiwa la laviwaka, muti lowu nga tshikiwiki.

Esaya 62:6

Erirhangwini ra wena, Yerusalema, ndzi vekile valanguteri; va nga ka va nga miyeri ni siku ni rin'we, nhlekanhi ni vusiku O! N'wina lava mi tsundzuxaka Yehovha, mi nga tshuki mi wisa!

Esaya 63:17

Hikwalaho ka yini, o Yehovha, u hi tsendzelekisaka ekule ni tindlela ta wena, kutani u nonon'hwisa timbilu ta hina leswaku ti nga ha ku chavi? Tlhela, hikwalaho ka rirhandzu ra wena eka malandza ya wena, ni ka tinxaka ta ndzhaka ya wena!

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Yeremiya 51:19

Loyi a nga ku avela eka Yakobo a nga fani na swona; hikuva hi loyi a vumbeke swilo hinkwaswo, kutani Israele i ku averiwa ka yena; Yehovha wa tinyimpi i vito ra yena.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Duteronoma 32:9

Hikuva ku averiwa ka Yehovha, i tiko ra yena; Yakobo, i ku averiwa ka ndzhaka ya yena. U n'wi kumile mananga, Emananga ya ku huwelela loku chavisaka.

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Duteronoma 9:26

Ndzi khongele Yehovha, ndzi ku: ‘Hosi Yehovha, u nga heti tiko ra wena ni ndzhaka ya wena leyi u nga yi kutsula hi vukulu bya wena, leyi u nga yi humesa eEgipta hi voko ra matimba.

Duteronoma 9:29

Hambiswiritano, i tiko ra wena, ni ndzhaka ya wena, leyi u yi humeseke eEgipta, hi matimba lamakulu ya wena, ni voko ra wena leri tlakukeke.’

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;