Pisalema 72:2 - Xitsonga (Bibele)

² U ta avanyisa tiko ra wena hi ku lulama, Ni va wena lava xanisekaka, u ta va avanyisa hi mfanelo.

BIBELE Mahungu Lamanene

² leswaku a avanyisela vanhu timhaka ta vona hi nawu, a biyelela swisiwana swa wena.

Pisalema 72:2 Iomraidhean Croise

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

1 TIHOSI 10:9

A ku khensiwe Yehovha, Xikwembu xa wena, loyi a titsakeleke ha wena ku ku veka exiluvelweni xa Israele! Leswi Yehovha a rhandzaka Israele hi masiku hi leswi a ku vekeke hosi ku avanyisa ni ku lulamisa timhaka.”

1 TIHOSI 3:28

Kutani Vaisraele hinkwavo va yingisa mhaka ya ku avanyisa loku vuriweke hi hosi, kutani va chava hosi, hikuva va vona leswaku vutlhari bya Xikwembu a byi ri ka yona ku tiva ku avanyisa.

1 TIKRONIKA 29:19

Loko a ri n'wananga, Solomoni, n'wi nyike mbilu leyo tiya ku hlayisa milawu ya wena, ni marito ya wena, ni ku lerisa ka wena, ni ku heta hinkwaswo, ni ku aka yindlu leyi ndzi yi lunghiseke!”

Ntirho 34:19

Xikwembu a xi yi hi nghohe ya tihosi, A xi languti vafuwi ku tlula swisiwana; Hikuva hinkwavo i mitirho ya mavoko ya xona.

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Swivuriso 29:14

Loko hosi yi avanyisela xisiwana hi ku lulama, Xitshamo xa yona xi ta tiya hi masiku.

Esaya 32:1

Vonani, hosi yi ta fuma hi ku lulama, tihosana, na tona, ti ta risa hi ku lulama.

Esaya 32:17

Ntirho wa ku lulama ku ta va ku rhula, ni mihandzu ya ku lulama, ku wisa ni ku tsaka loku nga heriki.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Yeremiya 33:15

Emasikwini walawo, ni le mikarhini yoleyo ndzi ta humesela Davhida hluke ra ku lulama, ri ta endla ku avanyisa ni ku lulama ematikweni.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.