Pisalema 72:1 - Xitsonga (Bibele)

¹ Oho Xikwembu! Nyika hosi swiavanyiso swa wena, Ni ku lulama ka wena eka n'wana wa hosi,

BIBELE Mahungu Lamanene

¹ We Xikwembu, komba hosi ya tiko ndlela yo lulama, u dyondzisa loyi vuhosi byi nga bya yena maavanyisele lamanene,

Pisalema 72:1 Iomraidhean Croise

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

1 TIHOSI 1:39

Kutani Sadoki muprista, a teka eTabernakeleni ya Yehovha rimhondzo ra mafurha, a chela Solomoni; kavaloko va yimba tinanga, kutani tiko hinkwaro ri ku: “A ku hanye hosi Solomoni!”

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

1 TIKRONIKA 18:14

Davhida a fuma Vaisraele hinkwavo, a avanyisa hi ku lulama timhaka ta tiko ra yena hinkwaro.

1 TIKRONIKA 22:9

Waswivo, u ta velekeriwa n'wana; u ta va munhu wo rhula; ndzi ta n'wi nyika ku rhula eka valala hinkwavo va yena va matlhelo hinkwawo; hikuva vito ra yena a ta va Solomoni (wa ku rhula), kutani ndzi ta nyika Israele ku rhula, ni ku tsaka eku hanyeni ka yena.

1 TIKRONIKA 29:19

Loko a ri n'wananga, Solomoni, n'wi nyike mbilu leyo tiya ku hlayisa milawu ya wena, ni marito ya wena, ni ku lerisa ka wena, ni ku heta hinkwaswo, ni ku aka yindlu leyi ndzi yi lunghiseke!”

2 TIKRONIKA 1:10

Sweswi, ndzi nyike vutlhari ni ku twisisa leswaku ndzi tiva ku huma ni ku nghena emahlweni ka tiko leri; hikuva i mani la nga tivaka ku avanyisa tiko leri teleke swonghasi, leri nga ra wena xana?”

Pisalema 127:1

Loko Yehovha a nga aki yindlu, Lava yi akaka va tikarhatela swahava. Loko Yehovha a nga hanyanyeli muti, Valanguteri a va pfuni nchumu.

Esaya 11:2

Moya wa Yehovha wu ta tshama ehenhla ka yena, moya wa vutlhari ni wa mianakanyo, moya wa ntsundzuxo ni wa matimba, moya wa ku tiva ni wa xichavo xa Yehovha.

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.