Pisalema 71:9 - Xitsonga (Bibele)

⁹ U nga ndzi cukumeti enkarhini wa ku dyuhala ka mina, U nga ndzi tshiki loko matimba ya mina ma ta hela!

BIBELE Mahungu Lamanene

⁹ Ndzi dyuhele, kambe u nga ndzi cukumeti! Hambileswi ndzi heleriweke hi matimba, u nga ndzi tshiki,

Pisalema 71:9 Iomraidhean Croise

2 SAMIELE 19:35

Namuntlha ndzi ni malembe ya ntlhanu wa makume, na makume manharhu; ndza ha ta swi kota ku tiva leswo nandziha ni leswo biha xana? Xana nandza wa wena u ta swi kota ku twa ku nandziha ka leswi a nga ta swi dya ni ka leswi a nga ta swi nwa? Kumbe ndzi ta twa marito ya vayimbeleri va vavanuna ni va vavasati xana? Nandza wa wena a nga ta tikela yini kambe hosi, n'wini wanga xana?

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

Pisalema 73:26

Nyama ya mina, ni mbilu ya mina swi nga hela, Kambe Xikwembu i ribye ra mbilu yanga, I ndzhaka ya mina hi laha ku nga heriki.

Pisalema 90:10

Masiku ya ku hanyaka hina, ma ringana malembe ya 70, Ni ka lava tiyeke, ma fika ka malembe ya 80; Kutani ku tidzunisa loku va ku kumaka ka wona i ku vaviseka ni gome, Hikuva ha hatla ku hundza, kambe hi tihahela!

Esaya 46:4

Ndzi ta va tano ku fika eku dyuhaleni ka n'wina; ndzi ta mi rhwala ku fika etimpfini ta n'wina. Ndzi mi endlile, kutani ndzi ta tshama ndzi mi rhwala; ndzi ta mi tiyisa, ndzi va ndzi mi ponisa!

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!