Pisalema 64:3 - Xitsonga (Bibele)

³ Va lota tindzimi ta vona kukotisa banga; Va hoxa marito ya ku bava kukotisa miseve,

BIBELE Mahungu Lamanene

³ hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Pisalema 64:3 Iomraidhean Croise

Pisalema 11:2

Hikuva lavo homboloka va khotsa mavurha ya vona, Va rhiyeketa miseve ya vona erisingeni, Ku copa emunyameni vanhu va timbilu leti lulameke.

Pisalema 141:9

U ndzi hlayisa ndzi nga weri emarindzini lawa va ndzi celelaka wona, Ndzi nga phasiwi hi mitlhamu ya lavo biha!

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Pisalema 58:7

A va nyuke kukotisa mati lama khulukaka! A va cope miseve leyi tshoviweke ntsena!

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Swivuriso 30:14

Rixaka ri kona ra meno laya kotaka mafumu, Ra tinhlaya leti fanaka ni mikwana, Ku dya va nhlomulo emisaveni, Ni ku heta vapfumari exikarhi ka vanhu.

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.