Pisalema 51:1 - Xitsonga (Bibele)

¹ Oho Xikwembu! Ndzi twele vusiwana hi tintswalo ta wena; Hi musa lowukulu wa wena, hlangula swidyoho swa mina.

BIBELE Mahungu Lamanene

¹ We Xikwembu, ndzi twele vusiwana hikwalaho ka rirhandzu ra wena; susa milandzu ya mina, hikwalaho ka tintswalo ta wena letikulu.

Pisalema 51:1 Iomraidhean Croise

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

Nehemiya 4:5

U nga funengeti ku homboloka ka vona, u nga hlanguli xidyoho xa vona emahlweni ka wena hikuva va ku karihele emahlweni ka vaaki.

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Pisalema 106:7

Vatata wa hina a va tsundzukanga mahlori ya wena eEgipta, A va anakanyanga ku tala ka mikateko ya wena, Kambe va tiarisa ekusuhi ni lwandle, eLwandle-ro-Tshwuka.

Pisalema 109:21

Kambe, wena Hosi, Yehovha! U ndzi pfuna hikwalaho ka vito ra wena, Hikuva nsovo wa wena wu nene: Ndzi hanyise!

Pisalema 119:124

Endlela nandza wa wena hi vunene bya wena, U ndzi dyondzisa timfanelo ta wena.

Pisalema 145:9

Yehovha u ni vunene ka hinkwavo, Tintswalo ta yena ti eneta mitirho hinkwayo ya yena.

Pisalema 4:1

Loko ndzi vitana, ndzi hlamule, wena; Xikwembu xa ku lulama ka mina! Loko ndzi ri emapfalweni, ndzi tshunxe! Ndzi tsetselele, u va u yingisa ku khongela ka mina.

Pisalema 40:11

Wena Yehovha u nga ka u nga ndzi aleli tintswalo ta wena! Musa wa wena ni ku lulama ka wena, swi ta ndzi hlayisa hi masiku.

Pisalema 5:7

Kambe mina hi tintswalo ta wena letikulu ndzi ta nghena endlwini ya wena, Ndzi ta khinsama hi ku chava etempeleni ya wena leyo kwetsima.

Pisalema 51:9

Tshika ku languta swidyoho swa mina, U hlangula ku homboloka ka mina hinkwako.

Pisalema 69:13

Kambe mina, ndza ku khongela, oho Yehovha! Hi nkarhi lowunene wa vukulu bya tintswalo ta wena Xikwembu; Ndzi hlamule hi vunene bya ku hlayiseka ka wena.

Pisalema 69:16

Ndzi hlamule, Yehovha, hikuva tintswalo ta wena ti nene. Hundzukela eka mina hi vukulu bya musa wa wena,

Pisalema 77:9

Xana Xikwembu xi rivele ku twela vusiwana? Kumbe evukarini bya xona xi pfarile xihlovo xa tintswalo ta xona xana?”

Esaya 43:25

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Swirilo 3:32

Kambe loko a n'wi ba hi nhlomulo, U n'wi twela vusiwana hikwalaho ka vunyingi bya tintswalo ta yena.

Daniele 9:18

Rhiya ndleve, Xikwembu xa mina, u yingisa; hanyanya, u languta marhumbi ya hina, ni muti lowu vuriwaka hi vito ra wena, hikuva ni loko hi veka swikhongelo emahlweni ka wena, a hileswaku hi tidzunisa hi ku lulama ka hina, kambe swi ri ntsena hikwalaho ka tintswalo letikulu ta wena.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Vakolosa 2:14

U hlangurile papila ra nandzu ra milawu leyi hi tengisaka, kutani a ri susa hi ku ri bela exihambanweni;