Pisalema 5:10 - Xitsonga (Bibele)

¹⁰ U va ba, Xikwembu, u va wisa hi makungu ya vona. U va wisa hikwalaho ka swidyoho swa vona leswi teleke; Hikuva va ku hundzukele.

BIBELE Mahungu Lamanene

¹⁰ We Xikwembu, va rhwexe milandzu ya vona, va tshike va lovisiwa hi makungu ya vona; va hlongole va suka emahlweni ka wena hikwalaho ka swidyoho swa vona leswo tala, hikuva va ku hundzukerile.

Pisalema 5:10 Iomraidhean Croise

2 SAMIELE 15:31

Kutani va ya byela Davhida, va ku: “Ahitofele u nghenile eka vanhu lava yimaka na Abixalomu.” Kutani Davhida a ku: “Yehovha, wanga hundzuluxa makungu ya Ahitofele!”

2 SAMIELE 17:14

Abixalomu ni vanhu hinkwavo va Israele va ku: “Makungu ya Huxayi, Muariki, ma tlula hi vutlhari makungu ya Ahitofele.” Kambe Yehovha a a kanerile ku onha makungu lamanene ya Ahitofele, leswaku khombo ri tela Abixalomu.

2 SAMIELE 17:23

Kuteloko Ahitofele a vonile leswaku makungu ya yena a ma yingisiwanga, a pana mbhongolo ya yena, a pfuka a famba karikwavo, emutini wa yena, kutani kuteloko a lerisile va yindlu ya yena timhaka ta yena, a tisunga; sweswo a fa, a lahliwa esirheni ra tata wa yena.

2 TIKRONIKA 25:16

Kakuloko a vulavula na yena, Amasiya a ku eka yena: “Xana va ku vekile wa huvo ya hosi-ke? Suka wena! Va ta ku dlayela yini-ke?” Kutani muprofeta a suka, a ku: “Ndza vona leswaku Yehovha u kanerile ku ku lovisa, hikuva u endlile mhaka leyi, kutani a ku yingisanga marito ya mina.”

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Pisalema 10:15

Tshova voko ra lowo homboloka, U lavisisa ku homboloka ka yena, u ko u nga ha n'wi voni!

Pisalema 107:11

Hikwalaho ka ku tiarisa ka vona etimhakeni ta Xikwembu, Loko va sandza ku tsundzuxa ka Muungameri wa le henhla,

Pisalema 17:13

Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

Pisalema 31:18

Milomu leyi hembaka, a yi hundzuke ya mbheveve, Leyi sandzaka la lulameke, Leyi vulavulaka hi ku tikukumuxa ni ku sola!

Pisalema 35:26

A va khomiwe hi tingana, a va kanakanisiwe kun'we Lava tsakelaka swo biha leswi ndzi telaka! A va funengetiwe hi tingana ni xisandzu Lava tikurisaka ehenhla ka mina!

Pisalema 55:15

Rifu a ri va khome hi xipuku, A va ngirimele exivandleni xa vafi va ha hanya! Hikuva ku homboloka ku le tindlwini ta vona, ni le xikarhi ka vona.

Pisalema 66:7

Xi fuma hi matimba ya xona hi laha ku nga heriki; Mahlo ya xona ma langutisa matiko. Lava tiarisaka va nga tshuki va tikurisa.

Pisalema 71:13

A va khomiwe hi tingana, a va herisiwe lava pfukaka vutomi bya mina; A va sandziwe ni ku soriwa lava lavaka ku ndzi lovisa.

Pisalema 79:12

Hosi, u tlherisela eka ntlhanu na kambirhi exifuveni xa lava akisaneke na hina, Xisandzu lexi va ku sandzeke ha xona!

Esaya 1:2

Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Esaya 1:20

kambe loko mi ala, kumbe loko mi tiarisa, mi ta dyiwa hi tlhari, hikuva nomu wa Yehovha wu vulavurile.”

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Swirilo 1:5

Lava nga valala va yena va n'wi hlula, lava n'wi vengaka va titsakela. Hikuva Yehovha u n'wi rhumerile maxangu Hikwalaho ka ku tala ka swidyoho swa yena; Vana va yena lavatsongo va yile evukhumbini, va byisiwa hi valala.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

1 SAMIELE 25:29

Loko munhu a pfuka ku ku landzela ni ku lava vutomi bya wena, vutomi bya hosi yanga byi ta hlayiseka eka Yehovha, Xikwembu xa wena, enyandzeni ya vahanyi; loko byi ri vutomi bya valala va wena, u ta byi cukumeta ekule hi xipelupelu.

1 SAMIELE 25:39

Davhida a twa leswaku Nabala u file, kutani a ku: “A ku katekisiwe Yehovha la kaneleke mhaka ya mina exisandzwini lexi Nabala a ndzi sandzeke ha xona, kutani a sivele nandza wa yena ku dyoha, Yehovha u tlherisile ku biha ka Nabala enhlokweni ya yena.” Kavaloko Davhida a rhuma vanhu eka Abigayele ku n'wi vutela yena.