Pisalema 41:7 - Xitsonga (Bibele)

⁷ Lava ndzi vengaka hinkwavo va hlevetelana ha mina; Va ndzi anakanyela swo biha, va ku:

BIBELE Mahungu Lamanene

⁷ Hinkwavo lava va ndzi vengaka, va hlengeletana va ndzi hleva, va ndzi navelela swo biha,

Pisalema 41:7 Iomraidhean Croise

Pisalema 31:13

Hikuva ndzi twa ku sandza ka lavo tala, Ku tshuka ku ndzi rhendzele, Loko va hlamulana kun'we ehenhla ka mina; Va anakanya ku susa vutomi bya mina.

Swivuriso 16:28

Munhu wa lunya u byala timholovo, Muhlevi u hambanyisa vanakulobye.

Swivuriso 26:20

Ndzilo wu timeka hi ku pfumala tihunyi; Swi tano ni timholovo, ti hela loko muhlevi ku ri hava.

Matewu 22:15

Kutani Vafarisi va suka, va ya kanela makungu swin'we hilaha va nga ta n'wi phasa hakona hi marito ya yena.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;