Pisalema 34:3 - Xitsonga (Bibele)

³ Dzunisani Yehovha kun'we na mina! A hi kuriseni swin'we vito ra yena!

BIBELE Mahungu Lamanene

³ Yimbelelani na mina mi twarisa vukulu bya xona, a hi dzuniseni swin'we vito ra xona.

Pisalema 34:3 Iomraidhean Croise

1 TIKRONIKA 16:10

Mi tidzunisa hi vito lero kwetsima ra yena! Timbilu ta lava lavaka Yehovha a ti tsake!

1 TIKRONIKA 29:20

Davhida a ku eka nhlengeletano hinkwayo: “Dzunisani Yehovha, Xikwembu xa n'wina!” Kutani nhlengeletano hinkwayo yi dzunisa Yehovha, Xikwembu xa vatata wa vona, va korhama, va khinsama emahlweni ka Yehovha ni le mahlweni ka hosi.

2 TIKRONIKA 29:30

Kutani hosi Hezekiya ni tihosana va byela Valevhi ku dzunisa Yehovha hi marito ya Davhida na Asafa, muvoni; va n'wi dzunisa sweswo, va tsakile, kutani va korhama, va khinsama.

Pisalema 35:27

A va yimbelele, a va tsake lava rhandzaka ku lulama ka mina, A va vule hi masiku: “A ku vongiwe Yehovha! La rhandzaka ku rhula ka nandza wa yena!”

Pisalema 40:16

A va tsake, a va titsakele ha wena Hinkwavo lava ku lavaka! Lava rhandzaka ku hlayiseka ka wena, A va vule hi masiku, va ku: “A ku kurisiwe Yehovha!”

Pisalema 66:8

N'wina matiko, vongani Xikwembu xa hina! Twarisani rito ra ku dzuna ka xona!

Pisalema 69:30

Ndzi ta twarisa vito ra Xikwembu hi tinsimu, Ndzi ta ri kurisa hi ku ri dzunisa.

Pisalema 69:33

Hikuva Yehovha wa yingisa swisiwana, Kutani a nga sandzi vabohiwa va yena.

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Yeremiya 9:24

kambe la tidzunisaka a a tidzunisele emhakeni leyi: hileswaku u ni ku twisisa ni vutlhari bya ku ndzi tiva, hikuva hi mina Yehovha ndzi endlaka hi musa, ni mfanelo, ni lexi lulameke emisaveni; hikuva ndzi tsakisiwa hi swona,” ku vula Yehovha.

Luka 1:46

Kutani Mariya a ku: “Mbilu yanga yi dzunisa Hosi,

Timhaka 19:17

Mhaka leyi, yi tiviwa hi Vayuda ni Vagriki, kutani va wela hinkwavo hi nchavo lowukulu; kutani vito ra Hosi Yesu ri dzunisiwa.

Vafilipiya 1:20

hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

Nhlavutelo 14:7

yi vula hi rito leri tlakukeke yi ku: “Chavani Xikwembu mi xi dzunisa, hikuva nkarhi wa ku avanyisa ka xona wu fikile; khinsamelani la endleke tilo ni misava, ni lwandle, ni swihlovo swa mati.”