Pisalema 3:7 - Xitsonga (Bibele)

⁷ Pfuka Yehovha! U ndzi ponisa, Xikwembu xanga! Hi wena la baka marhama ya valala va mina hinkwavo, U tshova meno ya lavo homboloka.

BIBELE Mahungu Lamanene

⁷ Pfuka, we HOSI! Xikwembu xanga, ndzi ponise, wena u baka valala va mina hinkwavo emarhameni, wena u tshovaka meno ya lavo homboloka!

Pisalema 3:7 Iomraidhean Croise

2 SAMIELE 18:8

Ku lwa ku eneta tiko hinkwaro, kambe xihlahla xi heta vanhu siku leri ku tlurisa tlhari.

Ntirho 16:10

Va ahlamisile milomu ya vona ngopfu ehenhla ka mina ku ndzi hlota, Va ndzi rhukana, va ndzi phakata marhama, Va hlangene ku lwa na mina.

Ntirho 29:17

A ndzi faya meno ya mbabva, A ndzi tlatlambuta emenweni ya yena lexi a xi vutleke.

Pisalema 10:12

Pfuka, Yehovha! Oho Xikwembu, tlakusa voko ra wena! U nga rivali lava nga ekhombyeni!

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Pisalema 27:3

Ni loko nyimpi yi nga ta ku ndzi lavelela, Mbilu ya mina yi nga ka yi nga chavi nchumu; Ni loko fumu ri nga ndzi pfuka, Na kona, mbilu ya mina yi ta va ni ku tshemba.

Pisalema 35:23

Pfuka u yima ku ndzi lulamisela timhaka, Xikwembu xanga ni Hosi ya mina, pfuka ku ndzi lwela!

Pisalema 44:23

Pfuka! U etlelela yini, Hosi? Pfuka! U nga hi cukumeteli makumu!

Pisalema 58:6

Oho Xikwembu! Tshova meno emilon'wini ya vona; Fayetela tinhlaya ta swinghalana, oho Yehovha!

Pisalema 59:5

Wena Yehovha, Xikwembu xa tinyimpi, Xikwembu xa Israele! Pfuka u laya matiko hinkwawo! U nga tsetseleli na un'we wa timbabva leti.

Pisalema 6:4

Tlhela, Yehovha! U tshunxa moya wa mina; U ndzi ponisa hikwalaho ka tintswalo ta wena.

Pisalema 7:6

Pfuka, Yehovha, evukarini bya wena, U pfukela ku leva ka lava nga valala eka mina, Pfuka ku ndzi yimela, u lerisa ku avanyisa!

Pisalema 74:11

U khondlela yini voko ra wena, voko ra wena ra xinene xana? Ri humese exifuveni xa wena, u va heta.

Pisalema 76:9

Loko Xikwembu xi pfukile ku ta avanyisa, Ni ku ponisa hinkwavo lava xanisekaka la emisaveni.

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Swirilo 3:30

Ni loko ku ri ku nyika rhama ra yena eka loyi a n'wi phakataka, Ni ku xurha xisandzu.

Habakuku 2:19

U ni khombo la nge eka ntsandze: “Pfuka!” ni ka ribye ra mbheveve: “Yima!” Xana ku ta dyondzisa rona-ke? Vonani, ri namarhetiwe hi nsuku ni silivhere; a ku na moya eka rona.