Pisalema 27:9 - Xitsonga (Bibele)

⁹ U nga ndzi fihleri mombo wa wena, U nga cukumeti nandza wa wena hi ku kariha; Hi wena la ndzi pfunaka; u nga ndzi lahli, u nga ndzi tshiki, Xikwembu xa ku hlayiseka ka mina.

BIBELE Mahungu Lamanene

⁹ u nga tshuki u ndzi fularhela. Mina nandza wa wena, u nga ndzi kariheli u ndzi hlongola, hikuva hi wena mupfuni wa mina, u nga ndzi fularheli, u nga ndzi tshiki, hikuva we Xikwembu, u muponisi wa mina.

Pisalema 27:9 Iomraidhean Croise

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Pisalema 102:2

U nga ndzi fihleri mombo wa wena hi siku ra mahlomulo ya mina! Rhiya ndleve ya wena loko ndzi vitana! Hatlisa u ndzi hlamula!

Pisalema 102:3

Hikuva masiku ya mina ma nyumba kukotisa musi; Ni marhambu ya mina ma hisa kukota swisa,

Pisalema 119:121

Ndzi hlayisa nawu ni ku lulama, U nga ndzi nyiketi vaxanisi va mina!

Pisalema 13:1

Oho Yehovha, u ta yisa kwihi ku ndzi rivala hi masiku xana? U ta ndzi fihlela mombo wa wena ku yisa kwihi-ke?

Pisalema 143:7

Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

Pisalema 24:5

U ta vona ku kateka ka Yehovha, Ni ku lulama ka Xikwembu xa ku hlayiseka ka yena.

Pisalema 44:24

U hi fihlela yini mombo wa wena? U rivele ha yini khombo ra hina ni maxangu ya hina?

Pisalema 51:11

U nga ndzi cukumeti ekule ni mombo wa wena, U nga ndzi tekeli moya wa wena lowo kwetsima.

Pisalema 69:17

U nga fihli mombo wa wena eka nandza wa wena! Hikuva ndzi le mahlomulweni, hatlisa ku ndzi hlamula.

Pisalema 69:18

Tshinelela moya wa mina, u wu kutsula, Ndzi ponise hikwalaho ka valala va mina.

Pisalema 88:1

Oho Yehovha, Xikwembu xa ku hlayiseka ka mina! Ndzi huwelela eka wena nhlekanhi ni vusiku.

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Esaya 59:2

Kambe i swidyoho swa n'wina leswi endleke rihlampfu exikarhi ka n'wina ni Xikwembu xa n'wina; i milandzu ya n'wina leyi mi sirheleke mombo wa xona, leswaku xi nga mi yingisi.

Yeremiya 32:40

Ndzi ta endla ntwanano lowu nga heriki na vona, leswaku ndzi nga ka ndzi nga va fularheli, ndzi ta va endla swinene, ndzi veka xichavo xa mina etimbilwini ta vona, va nga ha ndzi fularheli.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

1 SAMIELE 7:12

Kutani Samiele a teka ribye, a ri yimisa exikarhi ka Mispa na Yexana, a ri thya vito ra Ebenezere (ribye ra ku pfuna), kutani a ku: “Yehovha u hi pfunile ku fika kwala.”