Pisalema 21:3 - Xitsonga (Bibele)

³ Hikuva u n'wi rhangele hi ku kateka lokunene; U n'wi vekerile enhlokweni harhi ya nsuku lowu tengeke.

BIBELE Mahungu Lamanene

³ U tile eka yena, u n'wi katekisa swinene, u n'wi tlhandlekile xidlodlo xa nsuku wo tenga enhlokweni.

Pisalema 21:3 Iomraidhean Croise

2 SAMIELE 12:30

Kutani a teka harhi ya vuhosi enhlokweni ya hosi ya vona (ku tika ka yona a yi ri talenta ya nsuku, yi ri ni maribye lama pfumariwaka) kutani yi vekiwa enhlokweni ya Davhida; a teka xuma lexikulu ngopfu emutini, a famba na xona.

2 SAMIELE 2:4

Vanhu va Yuda va ta kona, kutani va chela Davhida hi mafurha leswaku a va hosi ya yindlu ya Yuda. Kavaloko va ya byela Davhida mahungu, va ku: “I vanhu va Yabexe wa Giliyadi lava nga lahla Sawulo.”

2 SAMIELE 5:3

Kutani vakulukumba hinkwavo va Israele va ta ehosini, eHebroni, kutani hosi Davhida a endla xinakulobye na vona, eHebroni, emahlweni ka Yehovha; kutani va chela Davhida hi mafurha va n'wi veka hosi ya Israele.

1 TIKRONIKA 20:2

Davhida a teka harhi ya vuhosi ya hosi ya vona enhlokweni ya yona, a yi kuma yi ri ya talenta ya nsuku, yi namekiwile hi maribye ya risima; kutani yi vekiwa enhlokweni ya Davhida; a teka ni xuma lexikulu ngopfu emutini, a famba ra xona.

2 TIKRONIKA 6:41

Sweswi, Yehovha Xikwembu, pfuka u ta endhawini ya ku wisa ka wena, wena ni areka ya matimba ya wena! Yehovha Xikwembu, vaprista va wena a va funengetiwe hi ku hlayiseka, ni lava ku rhandzaka a va titsakele eku tsakeni ka vona.

Ntirho 41:11

I mani loyi ndzi nga ni nandzu ka yena, ndzi ta n'wi rihela, Ehansi ka tilo, hinkwaswo i swa mina!

Pisalema 18:18

Va ndzi sivelele siku ndzi nga va ekhombyeni; Kambe Yehovha u ve xongotelo ra mina.

Pisalema 20:5

Hi ta ba mikulungwana hikwalaho ka ku hlayiseka ka wena, Kutani hi tlakusa mujeko hi vito ra Xikwembu xa hina; Yehovha u ta ku nyika hinkwaswo leswi u swi kombelaka.

Pisalema 31:19

Ku kurile swonghasi ku kateka ka wena. Loku ku vekelaka lava ku chavaka, Loku u tirhaka hakona emahlweni ka vana va vanhu, Ni ku pfuna lava chavelaka eka wena.

Pisalema 59:10

Xikwembu xanga xi ta ta ndzi hlanganisa hi tintswalo ta xona, Xi ta tsakisa mahlo ya mina eku biweni ka valala va mina.

Varhoma 11:35

“Kumbe i mani la yi nyikeke nchumu eku sunguleni, wu ta tlherisiwa eka yena.”

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Nhlavutelo 19:12

Mahlo ya yena a ma fana ni langavi ra ndzilo; enhlokweni ya yena a rhwele tihari leto tala, a ri ni vito leri tsariweke ri nga tiviwi hi munhu, loko a nga ri yena ntsena.

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.