Pisalema 18:9 - Xitsonga (Bibele)

⁹ A xikisa matilo, kutani a rhelela; Munyama a wu ri hansi ka mikondzo ya yena.

BIBELE Mahungu Lamanene

⁹ Kutani HOSI yi ovela matilo ehansi, yi rhelela yi tlhandlekile milenge ehenhla ka papa ra ntima,

Pisalema 18:9 Iomraidhean Croise

2 SAMIELE 22:10

A andlala matilo, a xika; Munyama a wu ri ehansi ka mikondzo ya yena.

Pisalema 50:3

Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Pisalema 68:4

Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Pisalema 97:3

Ndzilo wu n'wi rhangele emahlweni, Wu hisa hi matlhelo hinkwawo valala va yena.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Yuwele 3:16

Yehovha u ta dzumadzuma eSiyoni; a twarisa rito ra yena a ri Yerusalema, tilo ni misava swi ta tsekatseka. Kambe Yehovha! Xichavelo eka tiko ra yena, i khokholo eka vana va Israele.

Matewu 24:29

“Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Marka 15:33

Kuteloko ku fikile nkarhi wa ntlhanu na wun'we, munyama wu va kona emisaveni hinkwayo, ku fikela nkarhi wa ntlhanu na mune.

Yohane 13:7

Yesu a n'wi hlamula, a ku: “Sweswi, a ku twisisi lexi ndzi xi endlaka, kambe u ta xi twisisa endzhaku.”

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Vaheveru 12:26

loyi rito ra yena ri nga tsekatsekisa misava khale, kutani sweswi, wa hi tshembisa, a ku: “Hi nkarhi wun'wana ndza ha ta tsekatsekisa, yi nga ri misava ntsena, kambe na rona tilo.”

2 Petro 3:10

Kambe siku ra Hosi ri ta ta kukotisa khamba; kutani ha rona matilo ma ta hundza hi ku pfuma loku chavisaka, masungulo ya hinkwaswo ma ta hela hi ku tshwa, kutani misava ni mitirho leyi nga ka yona yi ta tshwa.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.