Pisalema 18:6 - Xitsonga (Bibele)

⁶ Emapfalweni ya mina, ndzi vitanile eka Yehovha; Ndzi huwelele eka Xikwembu xanga; U yingisile rito ra mina, a ri endlwini ya yena; Kambe ku huwelela ka mina ku fikile emahlweni ka yena etindleveni ta yena.

BIBELE Mahungu Lamanene

⁶ Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona; loko ndzi rila eka xona, xi ndzi twile.

Pisalema 18:6 Iomraidhean Croise

2 SAMIELE 22:7

U yingisile rito ra mina endlwini ya yena; Ku huwelela ka mina ku fikile etindleveni ta yena.

2 TIKRONIKA 30:27

Kavaloko vaprista va Valevhi va pfuka va katekisa tiko; kutani rito ra vona ri yingisiwa hi Yehovha, xikhongelo xa vona xi fikela evuakweni bya ku kwetsima ka yena etilweni.

Pisalema 11:4

Yehovha u le tempeleni ya yena leyo kwetsima, Yehovha u ni xiluvelo xa yena ematilweni; Mahlo ya yena ma languta, Tinkohe ta yena ti ringa vana va vanhu.

Pisalema 120:1

Ekhombyeni ra mina, ndzi huwelele eka Yehovha, Kutani u ndzi hlamurile.

Pisalema 34:15

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.

Pisalema 5:7

Kambe mina hi tintswalo ta wena letikulu ndzi ta nghena endlwini ya wena, Ndzi ta khinsama hi ku chava etempeleni ya wena leyo kwetsima.

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Pisalema 55:5

Ku chava ni ku rhurhumela swi ndzi wele ehenhla, Ku tsekatseka ku ndzi khomile hinkwako.

Eksoda 2:23

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Habakuku 2:20

Kambe Yehovha u le tempeleni ya yena leyi hlawulekeke. Misava hinkwayo a yi miyele emahlweni ka yena!

Marka 14:36

A ku: “Abba, Tatana! Hinkwaswo u nga swi endla; tshineta xinwelo lexi ekule na mina ntsena ku nga endliwi leswi ndzi swi rhandzaka, kambe a ku endliwe leswi rhandziwaka hi wena.”

Timhaka 12:5

Sweswo, Petro a tshama a languteriwa ekhotsweni. Kambe kereke a yi tiyisela ku n'wi khongelela eka Xikwembu.

Nhlavutelo 11:19

Kavaloko tempele ya Xikwembu yi pfuriwa etilweni, kutani areka ya ntwanano wa xona yi voniwa etempeleni ya xona; kutani ku humelela ku hatima, ni marito, ni ku pfuma, ni ku tsekatseka ka misava, ni xihangu lexikulu.