Pisalema 149:3 - Xitsonga (Bibele)

³ A va dzunise vito ra yena hi ku cina, A va n'wi dzunise hi mpfumawulo wa tingoma ni wa tiharipa!

BIBELE Mahungu Lamanene

³ Dzunisani vito ra yena hi ku cina, mi ri karhi mi n'wi chayela swingomana ni switende.

Pisalema 149:3 Iomraidhean Croise

2 SAMIELE 6:14

kutani Davhida a cina hi matimba hinkwawo ya yena emahlweni ka Yehovha, kambe Davhida a a ambarile efodi ya ntsembyana.

2 SAMIELE 6:16

Kakuloko areka ya Yehovha yi nghena emutini wa Davhida, Mikala, n'wana Sawulo, a languta hi fasitere, kutani a vona hosi Davhida loko a ri karhi a cina hi matimba emahlweni ka Yehovha; kutani a n'wi sandza embilwini ya yena.

1 TIKRONIKA 16:42

Hemani na Yedutuni a va ri na vona, va ri ni tinanga, ni swiphambati swa vayimbeleri, ni timbila ta ku yimbelela tinsimu ta Xikwembu, vana va Yedutuni a va ri etinyangweni.

1 TIKRONIKA 25:6

Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi.

2 TIKRONIKA 20:28

Va nghena eYerusalema, ni le ndlwini ya Yehovha, va ri ni magubu ni tiharipa ni tinanga.

2 TIKRONIKA 29:25

Kutani a ve ka Valevhi endlwini ya Yehovha, va ri ni swiphambati ni magubu ni tiharipa, hilaha Davhida na Gadi, muvoni wa hosi, na Natani, muprofeta, va leriseke hakona; hikuva ku lerisa loku a ku humile ka Yehovha hi vaprofeta va yena.

Ezra 3:10

Kakuloko vaaki va sungula masungulo ya tempele vaprista va yima kona, va ambele swa vona, va tamele tinanga, va ri ni Valevhi, ni vana va Asafa, va tamele swiphambati, va dzunisa Yehovha, va ya hi ku lerisa ka Davhida, hosi ya Israele.

Pisalema 30:11

U hundzuluxile mihloti ya mina ku tsaka, U tshunxile nguvu ya mina leyo khwaxa, kutani u ndzi ambexe ku tsaka,

Pisalema 33:2

Twarisani Yehovha hi haripa, N'wi yimbeleleni hi timbila ta khume ra tingoti.

Pisalema 81:2

Tlakusani tinsimu ta n'wina, mi ba mirumba, Ni timbila leto nandziha, ni magubu!

Pisalema 81:3

Hi n'weti lowuntshwa, yimbani nanga, Ni loko n'hweti wu be mahlampfu, hi siku ra nkhuvo wa hina!

Pisalema 87:7

Swiyimbeleri ni vacini va ta ku: “Miseledyana hinkwayo ya mina yi le ka wena.”

Eksoda 15:20

Kutani Meriyamu, muprofeta, makwavo wa Aroni, a teka dzandzana evokweni ra yena, kutani vavasati hinkwavo va huma, va n'wi landza, va ri ni madzandzana, va cina.

Yeremiya 31:13

Hilaha vanhwanyana va nga ta tsakisisa eku cineni, ni majaha ni swikoxa swin'we; ndzi ta hundzula tingana ta vona ku tsaka, ndzi va chavelela, ndzi va tsakisa ematshan'weni ya ku vaviseka ka vona.

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Vaavanyisi 11:34

Yefta a tlhelela eMispa, endlwini ya yena; kutani vonani, n'wana wa yena wa wanhwana a ta a ta hlangana na yena hi swingomana ni ku cina, a ri yena n'wana a ri swakwe eka Yefta, a pfumale n'wana wa wanuna ni wa wanhwana loko a nga ri yena ntsena.