Pisalema 113:9 - Xitsonga (Bibele)

⁹ Nsati loyi a tshameke endlwini ya yena a ri mhika, A n'wi endla mana wa vana, a titsakela exikarhi ka vona. Dzunisani Yehovha!

BIBELE Mahungu Lamanene

⁹ Wansati loyi a a ri mhika, xi n'wi nyika ku tshamiseka emutini, ni ntsako wo veleka vana. Dzunisani HOSI!

Pisalema 113:9 Iomraidhean Croise

Genesa 25:21

Kutani Isaka a khongelela nsati wa yena eka Yehovha, hikuva a a ri mhika; kutani Yehovha a amukela ku khongela ka yena; kavaloko Rhaveka, nsati wa yena, a tika nyimba.

2 TIHOSI 4:17

Kavaloko wansati loyi a tika nyimba, kutani a veleka n'wana wa wanuna, enkarhini wolowo, hi lembe leri tlhandlamaka, hilaha Elixa a n'wi byeleke hakona.

Pisalema 68:6

Xikwembu xi akisa endlwini lava tshikiweke; Xi humesa lava bohiweke xi va veka endzalweni; Kambe lava tiarisaka va tshama ematikweni ya ku oma.

Esaya 54:1

“Huwelela hi ku tsaka, wena mhika la nga velekangiki. Tsaka, u tsaka ngopfu, wena la nga siki lumiwaka eku velekeni! Hikuva vana va la tshikiweke va tele ku tlula vana va la tekiweke,” ku vula Yehovha.

Tinhlayo 5:28

“ ‘Kambe, kungakuloko nsati loyi a nga tinyamisanga, ni loko a tengile, a nga ka a nga twi ku vaviseka ha nchumu, a ta engeta a veleka.

Vagalatiya 4:27

Hikuva ku tsariwile va ku: “Titsakele wena mhika loyi u nga velekiki, tlakusa rito u huwelela, wena loyi u nga pfumala mbeleko, hikuva vana va loyi a tshikiweke va ta tlula hi ku tala va loyi a nga ni nuna.”

1 SAMIELE 2:5

Lava xurheke va tirhela vuswa, Kambe lava tweke ndlala, va wisa; Lowa mhika u veleka eka ntlhanu na kambirhi, Kambe la nga ni vana lavo tala, u tshama ntsena.