Pisalema 108:6 - Xitsonga (Bibele)

⁶ Ponisa hi voko ra wena ra xinene, u ndzi yingisa, Leswaku varhandziwa va wena va ta hlayiseka.

BIBELE Mahungu Lamanene

⁶ Ndzi hlamule u ndzi ponisa hi matimba ya wena, kutani varhandziwa va wena va ta hlayiseka.

Pisalema 108:6 Iomraidhean Croise

Vakolosa 3:12

Funengelani hakona, leswi mi nga vahlawuriwa va Xikwembu, vakwetsimi ni varhandziwa, ku tiyingisa ka tintswalo, ni vunene, ni ku titsongahata, ni ku olova, ni ku yingisela;

Duteronoma 33:12

Eka Benjamini, a ku: “I murhandziwa wa Yehovha, U ta aka hi ku tshemba kusuhi na yena; Yehovha u ta n'wi funengeta hi masiku, U ta tshama emakatleni ya yena.”

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Varhoma 1:7

Eka n'wina hinkwenu mi nga le Rhoma, varhandziwa va Xikwembu mi vitaneriweke ku kwetsima: tintswalo ni ku rhula a swi ve na n'wina swi huma eka Xikwembu, Tata wa hina, ni le ka Hosi Yesu Kriste!

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Esaya 65:24

Ku ta humelela leswaku loko va huwelela, ndzi ta hlamula, loko va ha vulavula, ndzi ta va yingisa.

Pisalema 54:1

Oho Xikwembu! Ndzi hlayise hi vito ra wena, Ndzi avanyisele hi matimba ya wena!

1 TIHOSI 18:29

Kuteloko nhlekanhi wu hundzile va bvumbha ku fika enkarhini wa ku humesa gandzelo; kambe va nga twi rito ni ku hlamula, va nga voni nchumu.

1 TIHOSI 18:24

Kutani mi ta khongela xikwembu xa n'wina, na mina ndzi ta khongela Yehovha; kutani xikwembu lexi nga ta hlamula hi ndzilo hi xona Xikwembu.” Tiko hinkwaro ri hlamula, ri ku: “Hi swona.”

2 SAMIELE 12:25

a tivisa Davhida mhaka leyi hi Natani, muprofeta kutani yena a n'wi thya vito ra Yedidiya (murhandziwa wa Yehovha), hikwalaho ka Yehovha.

Eksoda 15:6

“Voko ra wena, Yehovha, ri twakale hi matimba; Voko ra xinene ra wena, Yehovha, ri pyanyise valala.

1 TIHOSI 18:26

Kutani va teka nkunzi leyi va yi nyikiweke va yi lunghisa; kutani va khongela Baali ku suka nimixo ku yisa nhlekanhi, va ku: “O Baali, hi hlamule!” Kambe va nga twi rito ra ku hlamula. Kutani va cina hi matimba, va rhendzela alitari leyi va yi endleke.

Pisalema 57:6

A va rhiyile ntlhamu ehansi ka mikondzo ya mina, Moya wa mina a wu korhamile; A va cerile rindzi emahlweni ka mina: Ku wele vona eka rona.