Pisalema 103:1 - Xitsonga (Bibele)

¹ Moya wanga, khensa Yehovha! Na swona hinkwaswo leswi nga eka mina A swi khense vito ra ku kwetsima ka yena!

BIBELE Mahungu Lamanene

¹ Ndzi lava ku nkhensa HOSI Xikwembu ndzi vuyelela, ndzi tlangela vito ra xona lero hlawuleka hi mbilu ya mina hinkwayo.

Pisalema 103:1 Iomraidhean Croise

Pisalema 103:22

Khensani Yehovha, n'wina mitirho hinkwayo ya yena, Ematlhelweni ya ku fuma ka yena hinkwawo! Moya wanga, khensa Yehovha!

Pisalema 104:1

Moya wanga, khensa Yehovha! Yehovha, Xikwembu xa mina, u nkulukumba ngopfu! U funengele ku kwetsima ni ku saseka!

Pisalema 111:1

Dzunisani Yehovha! Ndzi ta dzunisa Yehovha hi mbilu hinkwayo ya mina, Eku hlanganeni ka valulami ni le nhlengeletanweni.

Pisalema 138:1

Ndzi ta ku tlangela hi mbilu hinkwayo ya mina, Ndzi ku yimbelelela emahlweni ka swikwembu.

Pisalema 145:1

Ndzi ta ku kurisa, Xikwembu xa mina, Hosi ya nga! Ndzi ta vonga vito ra wena hi mikarhi leyi nga yiki helo.

Pisalema 47:7

Hikuva Hosi ya misava hinkwayo i Xikwembu; Yimbelelani risimu!

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Pisalema 99:3

A va dzunise vito ra wena lerikulu leri chavisaka, Hikuva ri hlawulekile!

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Yohane 4:24

Xikwembu i Moya, lava xi gandzelaka va fanele ku xi gandzela hi moya ni ntiyiso.”

1 Vakorinto 14:15

Ndzi nga endlisa ku yini xana? Ndzi ta khongela hi Moya, na kona ndzi ta khongela hi ku twisisa. Ndzi ta yimbelela hi Moya, na kona ndzi ta yimbelela hi ku twisisa.

Vafilipiya 1:9

Kutani lexi ndzi xi kombelaka hi ku khongela, hileswaku rirhandzu ra n'wina ri engeteleka hi masiku hi ku tiva ni miehleketo hinkwayo,

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Nhlavutelo 4:8

Swivumbiwa leswi hanyaka leswa mune, xin'wana ni xin'wana xa swona a xi ri ni timpapa ta ntlhanu na rin'we, a swi tele ni mahlo hi matlhelo hinkwawo ni le ndzeni; kutani a swi nga miyeri nhlekanhi ni vusiku, a swi ku: “Ku kwetsima, ku kwetsima, ku kwetsima Hosi Xikwembu lexi nga ni matimba hinkwawo, Loyi a a ri kona, Loyi a nga kona, Loyi a taka.”