Pisalema 102:26 - Xitsonga (Bibele)

²⁶ Swi ta hela, kambe wena u ta tama u ri kona; Swi ta dyuhala kukota nguvu; U ta swi hundzuluxa tani hi xifunengelo, kutani swi ta hundzuka.

BIBELE Mahungu Lamanene

²⁶ Swilo leswi swi ta hela, kambe wena u ta va kona hilaha ku nga heriki. Hinkwaswo swi ta hlakala kukota swiambalo, u ta swi cukumeta ku fana ni switlakati, kutani swi ta nyamalala.

Pisalema 102:26 Iomraidhean Croise

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Ntirho 38:4

“A wu ri kwihi siku ndzi akeke masungulo ya misava? Vulavula loko u ri ku twisisa.

Pisalema 102:12

Kambe wena Yehovha, u tshama hi laha ku nga heriki, Ni ku tsundzukiwa ka wena etinxakeni ta tinxaka.

Eksoda 3:14

Xikwembu xi ku eka Muxe: “Hi mina Loyi a nga kona.” Kambe xi ku: “U ta vurisa sweswo eka vana va Israele, u ku: ‘Loyi a nga kona u ndzi rhumile eka n'wina.’ ”

Esaya 34:4

Mavandla hinkwawo ya matilo ma nyuka, kutani matilo ma ta songiwa kukota buku, vandla hinkwaro ra wona ri wela ehansi kukota matluka ya vhinya loko ma hlanhleka, ni kukota matluka ya murhi wa nkuwa loko ma vunile.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Esaya 65:17

“Hikuva, maswivo, ndzi vumba matilo lamantshwa, ni misava leyintshwa: timhaka ta khale a ti nga ha tsundzukiwi, ti nga ka ti nga ha tlheleri emiehleketweni.

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Luka 21:33

Tilo ni misava swi ta hundza, kambe marito ya mina ma nga ka ma nga hundzi.

Varhoma 8:20

Hikuva leswi vumbiweke swi vekiwile ehansi ka ku fuma ka swahava, ku nga ri hi ku swi rhandza, kambe ku ri hikwalaho ka loyi a swi vekeke ehansi ka kona;

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Nhlavutelo 21:1

Kutani ndzi vona tilo lerintshwa ni misava leyintshwa; hikuva tilo lero sungula ni misava leyo sungula a swi hundzile, ni lwandle a ri nga ha ri kona.