Pisalema 102:24 - Xitsonga (Bibele)

²⁴ Ndzi te: “Oho Xikwembu xanga! U nga ndzi susi, ndza ha ri exikarhi ka masiku ya mina; Malembe ya wena ma tshama ma ri kona etinxakeni ta tinxaka.”

BIBELE Mahungu Lamanene

²⁴ Hikokwalaho ndzi te ka xona: “Xikwembu xanga, we loyi malembe ya yena ma nga riki na ku hela, u nga ndzi susi emisaveni ndza ha ri lontshwa!”

Pisalema 102:24 Iomraidhean Croise

Ntirho 36:26

Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

Pisalema 102:12

Kambe wena Yehovha, u tshama hi laha ku nga heriki, Ni ku tsundzukiwa ka wena etinxakeni ta tinxaka.

Pisalema 39:13

Wa nga ndzi fularhela leswaku ndzi tlhela ndzi kuma ku tsaka, Ndzi nga si tifambela, kutani ndzi nga ha vi kona.”

Pisalema 89:46

Oho Yehovha, u ta tifihla ku yisa kwihi? Vukari bya wena byi ta pfurha tani hi ndzilo ku fika kwihi?

Pisalema 9:7

Kambe Yehovha u fuma hilaha ku nga heriki, U tilunghisele xiluvelo xa ku avanyisa;

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Nhlavutelo 1:4

Yohane eka tikereke ta ntlhanu na timbirhi leti nga eAsiya: Tintswalo ni ku rhula a swi ve na n'wina, swi huma eka Loyi a nga kona, Loyi a a ri kona, Loyi a taka, ni ka mimoya ya ntlhanu na mimbirhi leyi nga emahlweni ka xiluvelo xa yena,

Nhlavutelo 1:8

“Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.