Pisalema 101:3 - Xitsonga (Bibele)

³ Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

BIBELE Mahungu Lamanene

³ ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!

Pisalema 101:3 Iomraidhean Croise

Ntirho 31:1

“A ndzi endla xinakulobye ni mahlo ya mina, Leswaku ndzi nga tshuki ndzi languta wanhwana.

Pisalema 119:113

Ndzi vengile miehleketo ya nsohensohe, Kambe ndzi rhandza nawu wa wena.

Pisalema 119:37

Fularhisa mahlo ya mina, ma nga languti swahava, U ndzi hanyisa etindleleni ta wena!

Pisalema 125:5

Kambe lava tiendlelaka tindlela to homboloka, Yehovha a va fambise swin'we ni lava endlaka swo biha! Ku rhula a ku ve ehenhla ka Israele!

Pisalema 139:22

Ndzi va vengile hakunene; ka mina i valala.

Pisalema 14:3

Hinkwavo va hambukile, va tionhile swin'we; A ku na la endlaka swinene, hambi a ri un'we.

Pisalema 36:3

Marito ya nomu wa yena i ku homboloka ni ku xisa; U tshikile vutlhari ni ku endla leswinene.

Pisalema 39:1

A ndzi ku: “Ndzi ta hitekela tindlela ta mina, Leswaku ndzi nga ti tshuka ndzi dyoha hi ririmi ra nga; Ndzi ta veka tomu enon'wini wa mina, Enkarhini lowu lowo biha a nga ta va kona emahlweni ka mina.”

Pisalema 40:4

Ku katekile munhu la vekaka ku tshemba ka yena eka Yehovha, La nga hundzukeriki eka lava tikukumuxaka ni ka vahembi!

Pisalema 41:9

Na yena nakulorhi loyi ndzi n'wi tshembeke, Loyi a nga dya vuswa bya mina, u ndzi tlakusele xirhendze.

Pisalema 78:41

A va tshikanga ku ringa Xikwembu, Ni ku pfuxa Mukwetsimi wa Israele.

Pisalema 78:57

Va tlhela ndzhaku, va va ni mano kukota vatata wa vona, Va va tani hi vurha lebyi kanganyisaka.

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Eksoda 32:8

Va hatlisile ku hambuka ndlela leyi ndzi va leriseke yona; va tiendlele rhole leri chuluriweke va khinsama emahlweni ka rona, va ri endlele magandzelo va ku: ‘Hi xona xikwembu xa wena Israele lexi ku humeseke etikweni ra Egipta!’ ”

Swivuriso 6:12

I munhu wa hava, wo homboloka, La fambaka hi nomu wa ku kanganyisa;

Swivuriso 6:13

A copeta mahlo, a vulavula hi milenge, A encanyeta timhaka hi tintiho;

Swivuriso 6:25

U nga tshiki mbilu ya wena yi navela vubombi bya yena, U nga kokiwi hi tinxiye ta yena.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Eklesiasta 6:9

Lexi voniwaka hi mahlo xi sasekile, ku ri ni lexi anakanyiwaka hi mbilu. Xolexo, na xona, i vuhava, ni ku landza mheho.

Esaya 30:11

Hambukani ndlela hi le tlhelweni, tshikani ku veka Mukwetsimi wa Israele emahlweni ka hina!”

Esaya 33:15

U ta va loyi a fambaka endleleni ya ku lulama, la vulavulaka swo lulama, la sandzaka rifuwo leri tekiweke hi matimba, la nikinaka mavoko ya yena a nga ti tshuka a amukela tinyiko, a tisiva tindleve, leswaku a nga tshuki a twa timhaka ta ku dlaya, la swinyaka mahlo leswaku a nga voni swo biha.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Zakariya 8:17

mi nga kungeleli vamakwenu khombo etimbilwini ta n'wina, mi nga rhandzi ku hlambanya ka vunwa, hikuva sweswo hinkwaswo ndzi swi vengile, ku vula Yehovha.”

Matewu 5:28

Kambe mina ndzi ri eka n'wina: Munhu, hambi a nga va mani na mani, la langutaka wansati ku n'wi navela, u n'wi oswile embilwini ya yena.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Vagalatiya 4:9

Kambe sweswi, leswi mi tivaka Xikwembu, ngopfu ndzi nga ku, leswi mi nga tiviwa hi Xikwembu, xana mi tlhelela yini etimhakeni ta khale leti nga riki na matimba, ta vusiwana, leti mi rhandzaka ku tlhela mi tiboha eka tona?

Duteronoma 13:17

Ku nga tshuki ku namarhela ni xilo xin'we xa leswo yila evokweni ra wena; leswaku Yehovha a vuyela evukarini bya yena, a ku twela vusiwana, a ku endlela hi musa kutani a ku andzisela hilaha a hlambanyeke hakona eka vatata wa wena,

Duteronoma 15:9

Tilangutele leswaku ku nga tshuki ku ve embilwini ya wena miehleketo ya ku biha, u ta ku: ‘Lembe ra ntlhanu na mambirhi ra ku tshunxa ra tshinela,’ kutani u languta makwenu wa xisiwana, hi tihlo ra wena ra ku biha u nga n'wi nyiki nchumu; hikuva a nga huwelela eka Yehovha, kutani u nga kumiwa u ri ni nandzu.

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Yoxuwa 23:6

Loko swi ri tano, tiyani swinene ku hlayisa ni ku endla hinkwaswo leswi tsariweke ebukwini ya nawu wa Muxe, mi nga hambuki exineneni hambi eximatsini,

2 Petro 2:21

Hikuva a swi sasekile eka vona loko va nga tivanga ndlela ya ku lulama, ku nga ri ku hambuka nawu lowu hlawuriweke, lowu va wu nyikiweke lowu va wu tiveke.

1 Yohane 2:19

Va humile exikarhi ka hina, kambe a va nga ri va ka hina, hikuva loko ngi va ri va ka hina, ingi va tshamile na hina; kambe ku humelerile sweswo leswaku swi ta vonaka leswaku hinkwavo a hi va ka hina.

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.