Pisalema 10:12 - Xitsonga (Bibele)

¹² Pfuka, Yehovha! Oho Xikwembu, tlakusa voko ra wena! U nga rivali lava nga ekhombyeni!

BIBELE Mahungu Lamanene

¹² Pfuka, we Hosi; komba matimba ya wena, we Xikwembu! U nga tshuki u rivala lava xanisekaka.

Pisalema 10:12 Iomraidhean Croise

Pisalema 13:1

Oho Yehovha, u ta yisa kwihi ku ndzi rivala hi masiku xana? U ta ndzi fihlela mombo wa wena ku yisa kwihi-ke?

Pisalema 17:13

Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

Pisalema 17:7

Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.

Pisalema 3:7

Pfuka Yehovha! U ndzi ponisa, Xikwembu xanga! Hi wena la baka marhama ya valala va mina hinkwavo, U tshova meno ya lavo homboloka.

Pisalema 7:6

Pfuka, Yehovha, evukarini bya wena, U pfukela ku leva ka lava nga valala eka mina, Pfuka ku ndzi yimela, u lerisa ku avanyisa!

Pisalema 74:19

U nga nyiketi eswivandzaneni moya wa gugurhwana wa wena; U nga rivali hi masiku ntlhambi wa wena wa lava xanisekaka!

Pisalema 77:9

Xana Xikwembu xi rivele ku twela vusiwana? Kumbe evukarini bya xona xi pfarile xihlovo xa tintswalo ta xona xana?”

Pisalema 9:12

Hikuva murihiseri wa ngati u anakanya lava nga ekhombyeni, A nga rivali ku huwelela ka lava nga ni nhlomulo.

Pisalema 9:13

Ndzi twele vusiwana, oho Yehovha! Languta khombo leri ndzi nga ka rona hikwalaho ka lava ndzi vengaka, Wena la ndzi humesaka etinyangweni ta rifu;

Pisalema 9:19

Pfuka, Yehovha, leswaku munhu a nga tshuki a tiha matimba, Matiko a ma avanyisiwe emahlweni ka wena!

Pisalema 94:2

Pfuka Muavanyisi wa misava! U nyika vatikukumuxi hakelo ya vona!

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Esaya 33:10

“Sweswi ndzi ta pfuka,” ku vula Yehovha, “kutani ndzi ta titlakusa, ndzi va ndzi tikurisa.

Mikiya 5:9

Voko ra wena a ri tlakukele lava ku xanisaka, valala va wena a va herisiwe hinkwavo!

Vaavanyisi 16:28

Kavaloko Samsoni a huwelela eka Yehovha, a ku: “Oho Hosi Yehovha, ndzi anakanye! Oho Xikwembu ndzi nyike matimba namuntlha ntsena, ndzi tirihisela kan'we mahlo ya mina mambirhi eka Vafilista.”