Pisalema 1:3 - Xitsonga (Bibele)

³ U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

BIBELE Mahungu Lamanene

³ Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.

Pisalema 1:3 Iomraidhean Croise

Genesa 39:23

N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.

2 TIHOSI 18:7

Yehovha a a ri na yena; a endla swinene etimhakeni hinkwato leti a ti endlaka. A ala ku tirhela hosi ya Asiriya, kutani a nga ha luvanga eka yena.

1 TIKRONIKA 22:11

“Sweswi, n'wananga, Yehovha a a ve na wena, u va u kateka kutani u aka yindlu ya Yehovha, Xikwembu xa wena, hilaha a vuleke hakona ehenhla ka wena.

1 TIKRONIKA 22:13

Hi kona u nga ta kateka loko u chivirika ku hlayisa milawu ni ku lerisa loku Yehovha a ku leriseleke Israele ha Muxe. Tiyisa mbilu u tiya! U nga chavi, u nga heli mbilu!

2 TIKRONIKA 31:21

Etimhakeni hinkwato leti a ti endleke ta ntirho wa yindlu ya Xikwembu, ni ta nawu, ni ta ku lerisa, a swi endla hi mbilu hinkwayo ya yena, a ri karhi a lava Xikwembu xa yena, kutani a kateka.

2 TIKRONIKA 32:23

Vanhu lavo tala a va tisa mihlengo eka Yehovha eYerusalema, ni swilo swa risima eka Hezekiya, hosi ya Yuda, a ko a tlakusiwa, endzhaku ka swona, emahlweni ka matiko hinkwawo.

Ntirho 14:9

Hi ku twa mati wu pfuka, Wu hluketa marhavi kukota murhi lowuntshwa.

Ntirho 22:28

Loko u kanela mhaka yin'wana yi ta humelela eka wena, Ku vonakala ku ta vangama etindleleni ta wena.

Pisalema 128:2

Ina, u ta dya swakudya swa ntirho wa mavoko ya wena, U katekile, swilo swa wena swa andza.

Pisalema 129:8

Na vona vahundzi va ndlela va nga vuri, va ku: “Ku kateka ka Yehovha a ku ve na n'wina! Ha mi katekisa hi vito ra Yehovha!”

Pisalema 92:14

Va ha veleka vana eku dyuhaleni ka vona, Va ta tala hi mongo va va lavantshwa,

Pisalema 92:15

Va ta twarisa ku lulama ka Yehovha. Hi yena ribye ra mina, a ku na ku homboloka eka yena.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Esaya 3:10

Vulani leswaku lava lulameke va katekile, hikuva va ta dya mihandzu ya mitirho ya vona.

Esaya 44:4

Ri ta mila eswinambyaneni tanihi nsekeseke ematini lama khulukaka.

Esaya 58:11

Kutani Yehovha u ta ku fambisa hi masiku, u ta xurhisa moya wa wena exikarhi ti ka mananga lama hisaka. Kutani u ta nyika marhambu ya wena matimba u ta va tanihi ntanga lowu cheletiweke swinene, kukotisa xihlovo lexi mati ya xona ma nga phyiki.

Yeremiya 17:8

U kotisa murhi lowu simekiweke ekusuhi ni mati, lowu timitsu ta wona ti navaka ematini; ni loko ku nga ta dyandza, a wu twi nchumu; ni matluka ya wona ma va ya ntima; hi lembe ra dyandza a wu tshuki nchumu, kambe a wu tshiki ku veka mihandzu.

Ezekiele 17:8

Wu byariwile emisaveni leyinene, ekusuhi ni mati, leswaku wu kota ku humesa marhavi ni ku veka mihandzu, leswaku yi va vhinya leyo saseka.

Ezekiele 19:10

Mana wa wena a a ri tanihi wena, a fana ni vhinya leyi byariweke ekusuhi ni mati; yi vekile ngopfu, a yi ri ni marhavi layo tala hikwalaho ka ku tala ka mati.

Ezekiele 31:5

Hikwalaho nsinya wa wona wu tikukumuxeke ehenhla ka mirhi hinkwayo ya tiko, ni marhavi ya wona a ma andza, ni matluka ya wona a ma kula, hikuva a wu mirisiwa hi mati lamanyingi.

Ezekiele 47:12

Kutani eribuwini ra xinambyana, entsungeni wa haleno, ni le ntsungeni wa hase, ku ta mila mirhi hinkwayo ya mihandzu; matluka ya yona ma nga ka ma nga vuni, mihandzu ya yona yi nga ka yi nga heri. Yi ta vupfa hi tin'hweti hinkwato, hikuva mati ya nambu hi lama pfelelaka evukwetsimelweni; mihandzu ya yona yi ta va swakudya, matluka ya yona wu ta va murhi.”

Tinhlayo 24:6

Oho Israele! Vuako bya wena byi nava kukotisa mikova, Kukotisa mitanga ekusuhi ni nambu, Kukotisa mhanga leyi byariweke hi Yehovha, Kukotisa tikedari leti nga ekusuhi ni mati.

Matewu 13:6

Kutani dyambu loko ri tlhava, ti vuna, ti tshwa hi ku pfumala timitsu.

Matewu 21:19

kutani a vona murhi wa nkuwa wu ri kusuhi ni ndlela; a ya eka wona, kambe a nga kumangi nchumu eka wona loko ma nga ri matluka ntsena; a ku eka wona: “Ku nga tshuki ku huma mihandzu eka wena hilaha ku nga heriki!” Kutani murhi wa nkuwa wu oma hi nomu wolowo.

Matewu 21:34

Kuteloko nkarhi wa mihandzu wu ri ekusuhi, a rhuma malandza ya yena eka varimi ku ya amukela mihandzu ya yena.

Matewu 21:41

Va hlamula, va ku eka yena: “U ta onha ni ku lovisa vaonhi valavo, kutani nsimu ya vhinya, u ta yi veka emavokweni ya varimi van'wana lava nga ta n'wi tlherisela mihandzu ya yona emikarhini ya yona.”

Yohane 15:6

Kungakuloko munhu a nga tshami eka mina, u ta cukumetiwa ehandle kukotisa rhavi; kutani marhavi lama omeke, ma rholeriwa ma cukumetiwa endzilweni, ma tshwa.

Duteronoma 28:8

Yehovha u ta lerisa ku kateka leswaku ku va na wena etinguleni ta wena ni le mitirhweni hinkwayo ya mavoko va wena, kutani u ta ku katekisa emisaveni leyi Yehovha, Xikwembu xa wena, a ku nyikaka yona.

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

Nhlavutelo 22:2

Exikarhi ka xivandla xa muti, entlhandlukweni wun'wana ni wun'wana wa nambu, a ku ri ni murhi wa vutomi, lowu tswalaka mihandzu ya khume na mimbirhi, wu tswala mihandzu hi n'hweti yin'wana ni yin'wana, kutani matluka ya murhi lowo, i ya ku horisa matiko.