Pisalema 1:1 - Xitsonga (Bibele)

¹ Ku katekile munhu la nga fambiki hi ku letela ka lavo homboloka, La nga yimiki endleleni ya vadyohi, La nga tshamisiki exitshan'weni xa vasandzi,

BIBELE Mahungu Lamanene

¹ Ku katekile munhu loyi a nga amukeriki makungu ya lavo homboloka, loyi a nga landziki mikhuva ya vadyohi, loyi a nga dzumbiki ni lava sandzaka Xikwembu,

Pisalema 1:1 Iomraidhean Croise

Genesa 49:6

Moya wanga wu nga tshuki wu nghena exihundleni xa vona! Ku twala ka mina ku nga tshuki ku hlangana ni makungu ya vona! Hikuva eku kariheni ka vona, va dlaye vanhu; Eku titsakeleni ka vona, va tsemile misiha ya tinkunzi.

Genesa 5:24

Enoko a tshama a famba ni Xikwembu, kutani a nga ha vanga kona, hikuva Xikwembu xi n'wi tekile.

1 TIHOSI 16:31

A nga kolwanga ku endla swidyoho leswi endliweke hi Yerobuwamu, n'wana Nebati, kambe a engeta a teka Yezabele, n'wana Eti-Baali, hosi ya Vasidoni, kutani a ya tirhela Baali, a khinsama emahlweni ka yena.

2 TIKRONIKA 22:3

Na yena a famba etindleleni ta yindlu ya Akabu, hikuva mana wa yena, la ngi a ri wa huvo ya yena a n'wi hlohlotela ku endla leswo biha.

Ntirho 10:3

U tsakela yini ku ndzi endla swo biha, Leswaku u tshika mitirho ya mavoko ya wena, U tivonakisa emakun'weni ya lavo biha xana?

Ntirho 21:16

Vonani! Ku tsaka ka vona a ku le mavokweni ya vona-ke? Ku tiyingisa ka timbabva a ku ve kule na mina!

Ntirho 31:5

“Loko ndzi tshama ndzi famba hi vunwa, Ni loko nenge wa mina wu hatlisile ku kanganyisa,

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Pisalema 106:3

Ku katekile lava hlayisaka milawu, Lava endlaka swinene hi mikarhi hinkwayo!

Pisalema 112:1

Dzunisani Yehovha! Ku katekile munhu la chavaka Yehovha, A tsakelaka ngopfu milawu ya yena.

Pisalema 119:115

Tshinelani ekule na mina, n'wina lavo biha, Leswaku ndzi hlayisa ku lerisa ka Xikwembu xanga!

Pisalema 144:15

Ku katekile tiko leri nga tano! Ku katekile tiko leri Yehovha nga Xikwembu xa rona!

Pisalema 146:5

Ku katekile loyi Xikwembu xa Yakobo, xi nga matimba ya yena, Loyi ku tshemba ka yena ku nga ka Yehovha, Xikwembu xa yena.

Pisalema 146:9

Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Pisalema 26:12

Nenge wa mina wu tiyile endleleni leyi lulameke; Ndzi ta dzunisa Yehovha etinhlengeletanweni.

Pisalema 34:8

Nantswani, mi va mi vona leswaku Yehovha hi lonene swonghasi! Ku katekile munhu la chavelaka eka yena.

Pisalema 36:4

U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

Pisalema 64:2

Ndzi sirhelele eka makungu ya lavo biha, Ni ka ntshungu lowu baka pongo, lowu tirhaka leswo biha.

Pisalema 81:12

Hi laha ndzi va tshikeke eku tiariseni ka timbilu ta vona, Va landzela switsundzuxo leswi nga swa vona ...

Pisalema 84:12

Oho Yehovha wa tinyimpi, ku katekile la ku tshembaka!

Swivuriso 1:15

N'wananga, u nga tshuki u famba hi tindlela ta vona, U hambukisa nenge wa wena emitileni ya vona.

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Swivuriso 13:15

Ku twisisa ku veleka tintswalo, Kambe ndlela ya mbabva ya nonon'hwa.

Swivuriso 13:20

La fambaka ni tintlhari u ta tlhariha, Kambe la tolovelaka swihunguki u ta onhaka.

Swivuriso 19:29

Ku biwa ku vekeriwa vasori, Ni nhonga enhlaneni wa swihunguki.

Swivuriso 2:12

Ku ku tshunxa endleleni leyo biha, Ni ku ku hambuxa eka lava vulavulaka swo homboloka,

Swivuriso 3:34

Vasandzi, u va sandza ngopfu, Kambe u tsetselela lava titsongahataka;

Swivuriso 4:19

Kambe ndlela ya vadyohi yi kotisa munyama, A va tivi laha va welaka kona.

Swivuriso 9:12

Loko u tlhariha, u ta pfuniwa hi vutlhari bya wena; Kambe loko u ri musandzi, hi wena swaku u nga ta onhakeriwa.

Yeremiya 15:17

A ndzi tshamangi exikarhi ka vasandzi leswaku ndzi ya titsakela kona; kambe a ndzi tshama ndzi ri swanga hikwalaho ka voko ra wena leri ndzi khomeke, hikuva u ndzi tatile hi vukari.

Yeremiya 17:7

Ku katekile munhu la titshembelaka Yehovha, loyi ku tshemba ka yena ku nga ka Yehovha!

Ezekiele 20:18

“Kambe ndzi ku eka vana va vona emananga: Mi nga fambi hi mitila ya vatata wa n'wina, mi nga hlayisi mikhuva ya vona, mi nga tinyamisi hi swifaniso swa vona.

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Luka 11:28

Yesu a ku: “Kambe ngopfu ku katekile lava yingisaka rito ra Xikwembu, kutani va ri hlayisa!”

Luka 23:51

A nga pfumelelanga makungu ya vona, ni ku endla ka vona; a a ri wa Arimatiya, muti wa Vayuda; na yena a a langutela ku fuma ka Xikwembu.

Yohane 13:17

Loko mi tiva timhaka teto, mi katekile loko mi ti endla.

Yohane 20:29

Yesu a ku eka yena: “Leswi u ndzi voneke, Tomasi, u pfumerile; va katekile lava pfumelaka, hambi va nga vonanga.”

Varhoma 5:2

a nga yena loyi hi kumeke ha yena hi ku pfumela, nkarhi wa ku tshinelela tintswalo leti hi yimeke ka tona, kutani hi tidzunisa eku languteleni ka ku kwetsima ka Xikwembu.

Vaefesa 6:13

Hikwalaho-ke hlomani matlhari hinkwawo ya Xikwembu, mi ta tiva ku tiya hi siku ra khombo, ni ku yima mi hlurile hinkwaswo.

Duteronoma 14:6

Mi ta dya swifuwo hinkwaswo leswa min'wala leyi avanyisiweke ni swa masondzo lama endlaka maharhi leswi nga ni min'wala mimbirhi, ni leswi hlampfunhaka.

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!