Obadiya 1:21 - Xitsonga (Bibele)

²¹ Vaponisi va ta tlhandlukela entshaveni ya Siyoni ku ya avanyisa Mhaka ya Esawu; kutani ku fuma ku ta va ka Yehovha.

BIBELE Mahungu Lamanene

²¹ Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Obadiya 1:21 Iomraidhean Croise

Genesa 25:23

Yehovha a ku eka yena: “Matiko mambirhi ma le khwirini ra wena. Tinxaka timbirhi ti ta avana siku ti humaka eka wena. Rixaka rin'wana ri ta hlula lerin'wana, ni lonkulu u ta tirhela ndzisana.”

2 TIHOSI 13:5

Yehovha a nyika Vaisraele mulamuleri. Kutani Vaisraele va tshunxiwa emavokweni ya Vasiriya; kavaloko vana va Israele va aka emitsongeni ya vona kukotisa khale.

Nehemiya 9:27

Hikwalaho u va nyiketeke emavokweni ya valala va vona, va va xanisa. Emikarhini ya ku xanisiwa ka vona, va huwelela ka wena, kutani wena u va yingisile u ri ematilweni, hi mitsetselelo ya wena yo tala u va nyikile valamuleri va va lamulela emavokweni ya valala va vona.

Pisalema 102:15

Hi laha matiko hinkwawo ma nga ta chava vito ra Yehovha, Ni tihosi hinkwato ta misava ti chava ku kwetsima ka wena.

Pisalema 22:28

Hikuva ku fuma i ka Yehovha; Kambe hi yena la fumaka matiko.

Pisalema 22:29

Hinkwavo vafuwi va misava va ta dya, va khinsama, Hinkwavo lava xikelaka entshurini va ta korhama emahlweni ka yena, Lava hlulekaka ku hlayisa vutomi bya vona.

Pisalema 47:7

Hikuva Hosi ya misava hinkwayo i Xikwembu; Yimbelelani risimu!

Pisalema 67:4

Matiko ma ta tsaka, ma tsakisisa, Hikuva u ta avanyisa matiko hi ku lulama, U ta fambisa matiko emisaveni.

Esaya 19:20

Xi ta va xikombiso ni vumbhoni eka Yehovha wa tinyimpi etikweni ra Egipta; hikuva kutakuloko va huwelela eka Yehovha hikwalaho ka vaxanisi va vona, u ta va rhumela muponisi ni mulweri la nga ta va lwela.

Esaya 24:23

Kutani n'weti wu ta tshwuka hi tingana, dyambu rona ri ta endla ntima, hikuva Yehovha wa tinyimpi u ta fuma entshaveni ya Siyoni ni le Yerusalema, kutani vakulukumba va yena va ta vona ku vonakala ka yena.

Daniele 12:3

Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

Daniele 2:35

Sweswo ku fayiwa kan'we nsimbhi, ni vumba, ni koporo, ni silivhere, ni nsuku, swi kotisa mungu exivuyeni; swi kukuriwa hi mheho, swi nga ha ri na ndhawu. Kambe ribye leri ngi ri himile xifaniso, ri hundzuka ntshava leyikulu, ri tata misava hinkwayo.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Matewu 6:10

a ku te ku fuma ka wena; ku rhandza ka wena a ku endliwe emisaveni swa nga hi le tilweni.

Matewu 6:13

U nga hi yisi emiringweni, kambe u hi lwela eka lowo biha.’

Luka 22:30

Mi ta va lava dyaka, ni lava nwaka etafuleni ra mina, eku fumeni ka mina; kutani mi ta tshama eswiluvelweni, mi avanyisa tinxaka ta khume na timbirhi ta Israele.”

1 Timotiya 4:16

U tilangutela, wena, ni ku dyondzisa ka wena, kutani u tiya kona, hikuva loko u endlisa sweswo, u ta tihanyisa; u ta hanyisa ni lava ku yingisaka.

Yakobo 5:20

yeloyi a a swi tive leswaku la tlheriseke mudyohi eku hambukeni ka yena, a ta ponisa moya wun'wana eku feni, kutani a funengeta swidyoho leswo tala.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.

Vaavanyisi 2:16

Hambiswiritano, Yehovha a va humesela vaavanyisi, va va lamulela emavokweni ya lava va va onhaka.

Vaavanyisi 3:9

Kutani vana va Israele va huwelela eka Yehovha; Yehovha a humesela vana va Israele mulamuleri loyi a va lamulelaka, a nga Otiniele, n'wana Kenazi, ndzisana ya Kalebe.