Obadiya 1:18 - Xitsonga (Bibele)

¹⁸ Yindlu ya Yakobo yi ta va ndzilo, yindlu ya Yosefa yi va langavi; yona yindlu ya Esawu yi va malakarhi; va ta yi hisa, va yi lovisa, ku nga ka ku nga poni nchumu eka yindlu ya Esawu, hikuva Yehovha u vurisile.

BIBELE Mahungu Lamanene

¹⁸ Va ka Yakobo ni va ka Yosefa va ta fana ni ndzilo, ni malangavi ya wona: Va ta hisa va ka Esawu va tshwa va hela kukota mavivi; eka va ka Esawu, a ku nga poni na un'we, ndzi vurisa sweswo, mina HOSI.”

Obadiya 1:18 Iomraidhean Croise

2 SAMIELE 19:20

Hikuva nandza wa wena a tiva leswaku u dyohile, kutani waswivo, ndzi tile namuntlha, ndzi rhangele yindlu hinkwayo ya Yosefa ndzi ngirimele ku ta hlangana ni hosi n'wini wanga.”

Eksoda 5:12

Kutani vanhu va hangalaka etikweni hinkwaro ra Egipta ku hlengeleta byanyi bya nhova.

Esaya 10:17

Ku vonakala ka Israele ku ta hundzuka ndzilo, ni Mukwetsimi wa yena ri ta va langavi leri hisaka, ri va ri heta mitwa ni swigatlu swa yena hi siku rin'we.

Esaya 31:9

U ta sukela khokholo ra yena, kutani tihosana ti ta rhurhumela emahlweni ka mujeko hi ku tshuka,” ku vula Yehovha loyi ndzilo wa yena wu nga le Siyoni, ni hondo ya yena yi nga eYerusalema.

Esaya 47:14

Vonani, va hundzukile byanyi, ndzilo wu va herisile va nga ka va nga ponisi vutomi bya vona eku pfurheni ka ndzilo; a hi mpfundze wo sweka vuswa bya vona, ni ndzilo wa ku tinyawusa.

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Esaya 9:18

Hikuva vudyoho byi pfurha tanihi ndzilo lowu hisaka mitwa ni swigatlu byi pfurha laha ku tlhumeke ni le swihlahleni, laha ku mbulukaka musi.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Yeremiya 11:23

Ku nga ka ku nga phonyoki na un'we wa vona, hikuva ndzi ta vangela vanhu va Anatoto khombo hi lembe ra ku biwa ka vona.’ ”

Ezekiele 37:16

“Wena, n'wana wa munhu, teka nhonga, u tsala ehenhla ka yona: ‘Ya Yuda ni ya vana va Israele lava hlanganaka na yena,’ teka yin'wanyana kambe, u tsala ehenhla ka yona: ‘Ya Yosefa; yi ta va nhonga ya Efrayimi ni ya yindlu hinkwayo ya Israele leyi hlanganaka na yena.’

Ezekiele 37:19

Hosi Yehovha u vulavula sweswo, a ku: Ndzi ta teka nhonga ya Yosefa, leyi nga evokweni ra Efrayimi, ni tinxaka ta Israele leti hlanganaka na yena, ndzi ta ti hlanganisa ni yoleyi, yi nga nhonga ya Yuda, ndzi ta endla ha tona nhonga yi ri yin'we, xi ta va xilo xin'we evokweni ra mina.

Yuwele 2:5

Loko va twiwa, onge i mpfumawulo wa tigolonyi leti tlulatlulaka etinhlohlorhini ta tintshava, onge tinhlahle leti balekaka emalangavini ya ndzilo loko wu hisa nhova. Va fana ni vandla ra matimba leri tilunghiseleke ku lwa.

Amosi 1:8

Ndzi ta herisa lava akeke eAxidodo, ni la tamelaka nhonga ya vuhosi le Axikeloni. Ndzi ta tlhela ndzi tshambuluta voko ra mina ehenhla ka Ekroni, kutani Vafilista lava seleke va ta hela,” ku vula Yehovha Xikwembu.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Amosi 6:6

va nwa vhinyo emikambaneni, va tola mafurha ya oli, kutani a va twisiwi ku vava hi mbanga ya Yosefa.

Obadiya 1:16

Hikuva kukotisa loko mi nwile entshaveni ya mina leyi hlawulekeke, matiko hinkwawo ma ta nwisa sweswo hi masiku; ma ta nwa ma mita, ma va tanihi loko ingi ma nga ri kona.

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Zakariya 12:6

“Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

1 Vakorinto 3:12

Kutani loko un'wana a aka ehenhla ka masungulo walawo hi nsuku, kumbe hi silivhere, hambi ma ri maribye layo saseka, hambi ti ri tihunyi, kumbe byanyi;