Ntirho 42:2 - Xitsonga (Bibele)

² “Ndza swi tiva leswaku a ku tsandzi hi nchumu, Hikuva a ku na makungu lawa u nga ma hetiki.

BIBELE Mahungu Lamanene

² “We Xikwembu, ndza swi tiva, a wu tsandziwi hi nchumu, leswi u swi boheke, a swi kanetiwi.

Ntirho 42:2 Iomraidhean Croise

Genesa 18:14

Xana yi kona mhaka leyi nga hlulaka Yehovha? Enguveni leyi, ndzi ta vuya eka wena haxawu, kutani Sara u ta va a kume n'wana.”

Ntirho 23:13

Hambiswiritano, xi ni ku anakanya kun'we ntsena, i mani la nga xi rhendzevetaka? Leswi moya wa xona wa swi rhandzaka, wu swi endla.

Ntirho 25:2

“Matimba ni ku chavisa swi na Xikwembu; Xi tiyisa ku rhula exivandleni lexi tlakukeke xa xona.

Ntirho 42:1

Kutani Yobo a hlamula Yehovha, a ku:

Pisalema 135:6

Hinkwaswo leswi Yehovha a swi rhandzaka, u swi endla Ematilweni ni le misaveni, Emalwandle ni le swidziveni hinkwaswo.

Pisalema 139:2

U tiva loko ndzi tshama, ni loko ndzi pfuka; U tiva miehleketo ya mina u ri kule;

Pisalema 44:21

Xana Xikwembu ingi xi nga swi tivanga, Leswi xi tivaka leswi fihliweke etimbilwini xana?

Swivuriso 19:21

Meehleketo yo tala yi le mbilwini ya munhu, Kambe makungu ya Yehovha hi wona lama tiyeke.

Eklesiasta 3:14

Ndza swi tiva leswaku hinkwaswo leswi endliweke hi Xikwembu swi tshama hilaha ku nga heriki; a ku na xilo lexi nga engeteriwaka kona ni lexi nga susiwaka kona; kutani Xikwembu xi endla sweswo leswaku nchavo wu va kona emahlweni ka xona.

Esaya 14:27

Hikuva Yehovha wa tinyimpi u kanerile, kutani i mani la nga alaka xana? Voko ra yena ri tshambulukile, kutani la nga ri khondlisaka i mani xana?

Esaya 43:13

Ndzi xona ka ha ri eku sunguleni, a ku na la lamulaka evokweni ra mina; ndzi ta tirha; ku ta ala mani?”

Esaya 46:10

Ndzi tivisa ka ha ri eku sunguleni leswi nga ta humelela eku heteleleni, ni leswi nga siki humelelaka, ndza swi bvumbha. Makungu ya mina ma ta tiya, kutani ndzi ta endla ku rhandza ka mina hinkwako.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Ezekiele 38:10

“Hosi Yehovha u vulavula sweswo, a ku: Hi siku rero mianakanyo yi ta humelela embilwini va wena, u ta endla makungu layo biha.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Matewu 19:26

Yesu a va languta, a ku eka vona: “Loko va ri vanhu, i mhaka leyi va tsandzaka, kambe Xikwembu a xi tsandzi hi nchumu.”

Marka 10:27

Kutani Yesu a va languta, a ku: “Vona vanhu swi ngi va tsandza, kambe a swi tsandzi Xikwembu, hikuva Xikwembu a xi hluriwi hi nchumu.”

Marka 14:36

A ku: “Abba, Tatana! Hinkwaswo u nga swi endla; tshineta xinwelo lexi ekule na mina ntsena ku nga endliwi leswi ndzi swi rhandzaka, kambe a ku endliwe leswi rhandziwaka hi wena.”

Luka 18:27

Kutani a ku: “Leswi hlulaka vanhu, a swi hluri Xikwembu.”

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,