Ntirho 42:11 - Xitsonga (Bibele)

¹¹ Kutani vamakwavo hinkwavo va xinuna ni va xisati, ni hinkwavo lava a nga tivana na vona, va ta eka yena, va dya na yena endlwini ya yena, va hlangula mihloti ya yena va n'wi chavelela eku vavisekeni ka yena hinkwako loku Yehovha a ku tiseleke ehenhla ka yena; un'wana ni un'wana a n'wi nyika xiphemu xa silivhere ni sindza ra nsuku.

BIBELE Mahungu Lamanene

¹¹ Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Ntirho 42:11 Iomraidhean Croise

Genesa 24:22

Kuteloko tikamela ti hetile ku nwa, wanuna loyi, a teka xingwavila xa nsuku xa hafu ya xikele, ni masindza mambirhi ya khume ra tixikele ta nsuku, a n'wi vehela wona emavokweni.

Genesa 24:53

Kutani nandza a humesa xuma xa silivhere ni xa nsuku, ni tinguvu, a nyika Rhaveka; ni makwavo wa yena, ni mana wa yena, a va nyika xuma xa risima.

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

Ntirho 16:5

A ndzi ta va muhlamuri hi nomu wa mina, A ndzi ta mi tiyisa hi ku ndzakambula ka milomu ya mina.

Ntirho 2:11

Vanakulobye va Yobo ha vanharhu, va twa khombo leri n'wi weleke, kutani un'wana ni un'wana a suka eka rikwavo, Elifasi wa ka Temani, Bilidada wa ka Xuwaka, na Sofara wa ka Naama, va hlangana marito, va ta swin'we ku ta tsetsa Yobo ni ku n'wi chavelela.

Ntirho 4:4

Rito ra wena a ri pfuxa lava heleke matimba, U tiyisa matsolo la ma rhekarhekaka.

Swivuriso 14:20

Xisiwana xi vengiwa ni hi la vandzamaneke na xona, Kambe vanakulobye va mufuwi va tele.

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Yohane 11:19

Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.

Varhoma 12:15

Tsakani ni lava tsakeke, mi rila ni lava rilaka.

1 Vakorinto 12:26

Kutani xirho xin'wana, loko xi twa ku vava, swirho hinkwaswo swi twa ku vava na swona; ni loko xirho xin'wana xi dzunisiwa, swirho hinkwaswo swa tsaka na swona.

Vaheveru 12:12

Lulamisani hikwalaho, mavoko lama karheleke, ni matsolo lama khwanyaleke;

Vaheveru 13:3

Anakanyani lava bohiweke, kukota loko ngi mi bohiwile na vona; ni lava xanisiwaka, kukotisa leswi mi nga ni miri, na n'wina.

Yoxuwa 24:32

Marhambu ya Yosefa lama rhwariweke hi vana va Israele loko va suka eEgipta, va ma lahla eXikeme, etlhelweni ra nsimu leyi Yakobo a yi xaveke eka vana va Hamoro, tata wa Xikeme, hi makesita ya dzana, kutani nsimu leyi yi va ya ndzhaka ya vana va Yosefa.

1 SAMIELE 10:27

kambe vanhu van'wana lavo biha a va ku: “Xana loyi a nga hi ponisa ku yini-ke?” Kutani va n'wi sandza, a va n'wi tiselanga ndzuvu. Kambe Sawulo a nga vulanga nchumu ha swona.