Ntirho 2:5 - Xitsonga (Bibele)

⁵ Wa nga tlakusa voko ra wena, u khumba marhambu ya yena ni nyama ya yena u vona loko a nga ku rhukani erivaleni xana?”

BIBELE Mahungu Lamanene

⁵ Kambe loko wo tlakusa voko ra wena, u khumba miri wa yena, ú ta ku rhuketela erivaleni!”

Ntirho 2:5 Iomraidhean Croise

1 TIKRONIKA 21:17

Davhida a ku eka Xikwembu: “A hi mina loyi ndzi leriseke ku hlaya tiko Xana? Hi mina ndzi dyoheke ndzi endleke lexo biha lexikulu, kambe tinyimpfu leti ti endle yini xana? Yehovha, Xikwembu xanga, voko ra wena a ri ve ehenhla ka mina, ni le henhla ka yindlu ya tatana, ri nga tshuki ri va ehenhla ka tiko ra wena ku ri dlaya!”

Ntirho 1:11

Wa nga tshambuluta voko ra wena u khumba hinkwaswo leswi a nga na swona, u ta vona xana a nga ka a nga ku sandzi emahlweni erivaleni-ke?”

Ntirho 1:12

Yehovha a ku eka Satana: “Vona, leswi a nga naswo hinkwaswo, ndzi swi veka emavokweni ya wena; ntsena, u nga yisi voko ra wena emirini wa yena.” Kutani Satana a suka emahlweni ka Yehovha.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Ntirho 2:4

Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

Ntirho 2:6

Yehovha a ku eka Satana: “U le mavokweni ya wena, ntsena u tsetselela vutomi bya yena.”

Ntirho 2:9

Kutani nsati wa yena a ku eka yena: “Xana wa ha tiyisile eku lulameni ka wena-ke? Rhukana Xikwembu, u fa!”

Pisalema 39:10

Tshika ku ndzi ba! Ndzi herile hikwalaho ka matimba ya voko ra wena.

Esaya 65:3

eka tiko leri nga tshikiki ku ndzi pfuka hi ku humesa magandzelo emitangeni, hi ku humesa mirhi leyi nun'hwelaka eswitineni;

Esaya 8:21

Ri ta pepetseka emisaveni exikarhi ka masangu, ri ta xanisiwa ri twa ndlala; kutakuloko ri twa ndlala, ri ta kariha, ri rhuketela hosi ya rona ni Xikwembu xa rona; kutani ri ta languta ehenhla,

Levhitika 24:11

Kavaloko n'wana wa wansati wa Israele a sandza ni ku rhuketela vito ra Xikwembu; kutani va n'wi tisa eka Muxe. Vito ra mana wa yena a a ri Xelomiti, n'wana Dibri, wa nyimba ya Dani.

Levhitika 24:15

U ta byela vana va Israele, u ku eka vona: Mani na mani la rhukanaka Xikwembu xa yena, u ta rhwala ku biwa ka ku dyoha ka yena.

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.