Ntirho 2:3 - Xitsonga (Bibele)

³ Yehovha a ku eka Satana: “Xana u tsundzukile Yobo nandza wa mina-ke? Hikuva a ku na la fanaka na yena emisaveni, la fambaka hi ku lulama ni ku tenga, la chavaka Xikwembu, la fularhelaka swo biha. Wa ha tiyisile eku lulameni ka yena, hambi u ndzi phikelerile ku n'wi lovisa ntsena.”

BIBELE Mahungu Lamanene

³ Kavaloko HOSI Xikwembu xi ku ka Sathana: “Xana u vonile nandza wa mina Yobo xana? Ku hava la fanaka na yena emisaveni, hikuva i munhu wo lulama wa mahanyelo lamanene; wa ndzi tirhela, a fularhela leswo biha. Ni sweswi wa ha tiyisela eku lulameni ka yena, hambileswi u ndzi susumeteke ku n'wi tekela swa yena, a ri hava nandzu.”

Ntirho 2:3 Iomraidhean Croise

Genesa 6:9

Hi vona lavo vana va Nowa: Nowa a a ri munhu la lulameke ni la sasekeke enkarhini wa yena. Nowa a tshama a famba ni Xikwembu.

2 SAMIELE 20:20

Yowabu a hlamula, a ku: “Kule, kule na mina ku rhandza ku mita ni ku heta!

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Ntirho 1:11

Wa nga tshambuluta voko ra wena u khumba hinkwaswo leswi a nga na swona, u ta vona xana a nga ka a nga ku sandzi emahlweni erivaleni-ke?”

Ntirho 1:6

Siku rin'wana vana va Xikwembu va ya humelela emahlweni ka Yehovha na yena Satana a nghena exikarhi ka vona.

Ntirho 1:8

Yehovha a ku eka Satana: “A ku tsundzukanga Yobo nandza wa mina xana? Hikuva a ku na munhu la fanaka na yena emisaveni, la fambaka hi ku lulama ni ku tenga, la chavaka Xikwembu ni ku fularhela swo biha.”

Ntirho 13:15

Vonani, a nga ndzi dlaya, a ndza ha ri na ntshembo; Ntsena ndzi rhandza ku tengisa mikhuva ya mina emahlweni ka xona.

Ntirho 2:2

Kutani Yehovha a ku eka Satana: “U huma kwihi?” Satana a hlamula, a ku eka Yehovha: “Ndzi huma emisaveni, a ndzi valanga kona.”

Ntirho 2:4

Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

Ntirho 9:17

Xona lexi ndzi khandlaka hi xidzedze, Xi engetela timbanga ta mina ntsena,

Ntirho 9:20

Hambi ndzi lulamile, nomu wa mina wu fanele ku ndzi vula lowo biha; Loko ndzi nga ri na nandzu, u ta ndzi vula ndzi ri mbabva.

Pisalema 26:1

Yehovha, ndzi avanyisele, hikuva ndzi hanya hi ku lulama ka mina. Ndzi tshembile Yehovha, ndzi nga ka ndzi nga tsekatseki.

Pisalema 37:37

Xiya la tengeke, u languta la lulameke; Hikuva munhu wa ku rhula u ni vatukulu;

Pisalema 41:12

Kambe wa ndzi tiyisa eku tengeni ka mina, Kutani wa ndzi veka emahlweni ka wena hi masiku.

Swivuriso 11:8

Lowo lulama u lweriwa emakhombyeni, Lowo biha u nghena kona ematshan'weni ya yena.

Swivuriso 13:6

Ku lulama ku ponisa la fambaka eku lulameni, Kambe ku homboloka ku lovisa mudyohi.

Swivuriso 14:2

La fambaka hi ku lulama u chava Yehovha, Kambe la homboloxaka tindlela ta yena wa n'wi tsan'wa.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Swivuriso 16:17

Gondzo ra lavo lulama, i ku fularhela swo biha, La hlayisaka moya wa yena u xiya mafambele ya yena.

Yohane 9:3

Yesu a hlamula, a ku: “A ku dyohanga yena, hambi va ri vatswari va yena, kambe hileswaku mitirho ya Xikwembu yi kombisiwa ha yena.

Vafilipiya 3:12

Swi nga ri leswaku ndzi tekile hakelo, kumbe swi ri leswaku ndzi hetisekile; kambe ndzi ri karhi ndzi tsutsuma leswaku ndzi yi khoma; kutani, hikwalaho ka swona, na mina ndzi khomiwile hi Kriste.

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;