Ntirho 2:12 - Xitsonga (Bibele)

¹² Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla.

BIBELE Mahungu Lamanene

¹² Loko va n'wi vona va ha ri kulenyana, va hlwela ku n'wi tiva, kutani va sungula ku tlhava mukhosi, va rila, va handzulela swiambalo swa vona, va nusa ni misava va haxa ehenhla, va tichela ni le tinhlokweni.

Ntirho 2:12 Iomraidhean Croise

Genesa 27:34

Kuteloko Esawu a twa marito ya tata wa yena, a huwelela hi rito lerikulu, leri tlhavekaka, a ku eka tata wa yena: “Oho! Tatana, ndzi katekise na mina!”

2 SAMIELE 13:36

Kakuloko a ha heta ku vulavula, vana va hosi va fika, kutani va tlakusa marito va rila; na yona hosi ni malandza ya yona hinkwawo va rila, va endla nkosi lowukulu ngopfu.

Ezra 9:3

Kuteloko ndzi twile mhaka leyi, ndzi handzula banci ra mina, ni nguvu, ndzi hluva misisi ya nhloko ya mina, ni malebvu ya mina ndzi tshama ehansi ndzi ri ni gome.

Nehemiya 9:1

Hi siku ra makume mambirhi na mune ra n'hweti leyi, vana va Israele va hlengeletana ku titsona swakudya, va ambele maxuka layo khwaxa, va tikhuva tinhloko hi ntshuri.

Estere 4:1

Kuteloko Mordekayi a tivile hinkwaswo leswi endliweke, a handzula tinguvu ta yena, a funengela tinguvu leto khwaxa ni nkuma, kutani a humelela exikarhi ka muti, a ri karhi a rila hi ku rila lokukulu, ko vavisa.

Ntirho 1:20

Yobo a yima, a handzula tinguvu ta yena, a byewula nhloko, a tiwisa ehansi a khinsama, a ku:

Ntirho 19:14

Varikwerhu va titshamele etlhelo, Lava ngi va ri vanakulorhi lavanene va ndzi tshikile.

Swirilo 2:10

Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

Ezekiele 27:30

Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Nhlavutelo 18:19

Kutani va tichela ntshuri etinhlokweni, va huwelela, va rila, va kolola, va ku: “Yo, yo, muti lowukulu, lowu, lava nga ni tingalava elwandle va nga fuwa hi rifuwo lerikulu ra wona, hi nkarhi wu ri wun'we, wu onhiwile!

Vaavanyisi 2:4

Kakuloko ntsumi ya Yehovha ya ha vulavula timhaka teto eka vana va Israele hinkwavo, tiko ri kolola hi ku rila.

1 SAMIELE 11:4

Tintsumi ti ya Gibeya wa Sawulo, ti tivisa tiko marito lawa; kutani tiko hinkwaro ri tlakusa rito ri rila.

1 SAMIELE 30:4

Kavaloko Davhida ni tiko leri ngi ri ri na yena va tlakusa rito va rila, va kondza va nga ha ri na matimba ya ku rila.

1 SAMIELE 4:12

Munhu wa Benjamini a tsutsuma, a sukile eku lweni, kutani a fika eXilo siku rolero, tinguvu ta yena ti handzuriwile, ni misava yi ri enhlokweni ya yena.